احب اعرض عليكم موضوع هام للنقاش ومنتظرة الرد وهو ذكر ايجابيات كلية العلوم وانا اللى اضطرينى ان اعرض الموضوع ده هو كثرة المواضيع التى تهتم بذكر سلبيات الكليه دون الايجابيات وبجد الموضوع مستفز. فى مقولة (اذا وضعت احدفوق قدره فتوقع ان يضعك دون قدرك) وهو ده اللى احنا عاملناه بنقلل من كليتنا ونرفع من قدر باقى الكليات لدرجة انهم بيقللوا مننا كل متقول لحد ان فى كلية العلوم كل الرد اللى انت بتسمعه دى صعبة وملهاش لازمة وبعد كدة هتبقى ايه يعنى؟؟؟؟؟
ويعنى معليش سؤال هو كل من دخل طب بقى دكتور وكل من دخل صيدلة بقى صيدلى مع احترامى لباقى الكليات . كل مكان فى الناجح والفاشل وكل مكان وله عيوبه ومميزاته والانسان الناجح هو اللى يقدر يفهم ويقدر حاجة زى دى ويحول كل السلبيات اللى بيتعرض لها الى ايجابيات
انا عن نفسى هبدا بذكر اكتر حاجة يتم انتقادها بكليه العلوم وهى على حد القول انها صعبة
لما كون كليتنا صعبة واحنا ننجح فيها ونجيب تقدير كويس يعنى جيد جدا او امتياز ده له معنى واحد عندى انى طالب ممتاز ومستوى العلمى ابدا لا يقل عن مستوى اى طالب فى اى كليه علمية اخرى
فى كليه العلوم بندرس مواد كتير انا عارفة وده انا شايف ميزة مش عيب لان ده بيفتح لنا مجالات اكتر للعمل وده احنا بنتميز به عن باقى الكليات . انا بحب كلية العلوم وافتخر انى طالب بكلية العلوم . يلا يا شباب كل واحد يقول من وجه نظره ايه اكتر حاجة شايفها حلوة بكليتنا لا ن ذكر السلبيات مش هيفيد فى حاجة .
الثلاثاء مارس 27, 2012 7:29 pm من طرف Muhammed Badr
