على كــ(مغلق حتى الانتهاء من الامتحانات)ــرسى الاعتراف

khaled كتب:: ابو حميد ايه اكثر حاجه تضيقك
**والله ممكن تكون الخيانه و الكذب و الغباء و ساعات الغشوميه

MR bad guy كتب:: مجاهد اقولي بصراحة انت عمرك نافقت مع حد؟
**لو المجامله هنعتبرها نفاق يبقى اه غير كده لا

اية اكتر صفة تحبها في القدامك من( كلا الجنسين)؟
**اللباقه و حسن التصرف و حسن الظن و الصراحه و الصدق

انت لو بقيت معيد في الكلية هتعمل اية ,هاتتجة للفلوس ككرسات ولا هتهتم بمسقبلك المهني وتاخد الماجيستير والدكتوراة؟
**والله يا حامد انا نفسى ابقى معيد او دكتور فى الكليه مش عشان مستوى مادى و لا حتى اجتماعى انا نفسى ابقى كده عشان احاول افيد و اقدم اى حاجه سواء للعلم او للمسلمين

IR0NMAN كتب:: يلا بقى كام سؤال لعمو احمد على الماشى

- تتوقع ايه لنفسك فى الترم ده ؟
**ربنا يستر يا ناصر ادينا بنحاول نجمع اهوه على يدك و يد خالد
- تتوقع ايه ل :-

خالد :- والله انا بتمناله من كل قلبى انه ربنا يكرمه و يجيب امتياز و بأذن الله هيجبها

ابراهيم يونس:- ربنا يستر بس و يسيبه من النت عشان يعدى الترم ده حامد:- حامد شخصيه بتحب المذاكره و ربنا يقويه اكتر و اكتر
احمد ناصر :- يييييييييييييييييي لالالا انا عارف انك بأذن الله انتا و الواد هيما قاعدين قاعدين بس فى الفاتره الاخيره بتشد اهوه و ربنا يوفق

ساعات باحس يا مجاهد ان شخصيتك بتغير اما تضايق من حد او حد يعمل معاك حركة ندالة وطبعا بتضايق على حد مالوش ذنب فليه كده ؟
**طبيعى جدا انتا عايزنى اكون فى حالتى الطبيعيه اما اكون متضايق من واحد انا كده ابقى اما سيكوا او منافق والحمد لله مش كده ولا كده
ايه رايك فى شرب السجاير واللى بيشربوها ؟
**والله انا مش مع السجاير ولا علا اللى بيشربوها بس انا عارف و كلنا متأكدين ان الاسجاير ضاره بس برضه لسه موجوده يبقى مفيش راي حيأسر فيها امتى اخر مرة اخدت فلوس من ورا يور فازر ؟
**عمرى والله ماحصلت ولا مره والحمد لله
اوصف نفسك فى خمس سطور ؟
**طويل الى حد ما يعنى جسمى مليان بحب اهزر فى وقت الهزار و ده اغلب الاحيان بيبقى قليل بحب التفائل بس مش عارف اطبقه بموت من الظلمه بحب السماء مع البحر بتجنن لكا اشوف الجمال بكره المزايده فيه بحب الفلوس اهره الغنى الفاحش بعشق الله و مع ذلك بغضبه بحب سيدنا و رسولنا محمد و مع ذلك مش ماشى على السنه بحب الضحك الهادى و الحزن المكتوم و البحث عن الاشياء الخياليه فى غير و قتها كالحب و بعشق كل صدق و اكره طعم كل كذب او مجامله بس
لو قالولك هنغير اسمك هتختار اسم ايه ؟ مع العلم ان الاسم هيتغير شاملا اسم الاب والعيلة
**ممكن شمس الدين سيف المهدى
حاسس شخصيتك ايه ؟
**مش فاهم السؤال وضح اكتر لو سمحت

ايه رايك فى ال BMW اللى ركنت فى الكلية ؟
**جامده مووووووووووووووووت بس اوعى تقول لحد على المكان بقى

بص عايزك تتكلم عن كل شخصية من الاتيين فى كام سطر كده

gam3ettanta :- يونس جامد فى الكمبيوتر و النت بس ده بيخليه يهمل المذاكره هوه طيب و بيحب اصحابه و بيخلصلهم بس ساعات تحس انه عيل اوى او بيحاول يخبى دور الراجل بداخله بس فى من الاخر اعز اصحابى اللى مش حينفع افرط فيهم
khaled:- خللود ده بجد حبيب قلبى من بعض الناس اللى بمجرد تاملى معاه حطيته فى حته خاصه جوه قلبى بجد بحترم جدا هدوئه و شقوته فى نفس الوقت و غير كده بلديات برضه
MR bad guy :- حامد شخصيه طيبه من الداخل اوى هوه ممكن يكون فيه بعض الصفات اللى تزعل الناس منه بس على كل حال اكيد اكيد هوه مبيقصدش كده بدليل انه بيروق بسرعه جدا هوه طبعا نرفوز اوى بس بحب اوى فيه النرفزه دى
comeback :- بص يا سيدى شخصيه بجد حلوه اوى يعنى اول ما عرفناها كانت ( من غير فهم غلط) بتجر شكل مع اى حد و زى ما بيقولوا ما محبه لا بعد عداوه هيه موصلتش عداوه بس لما عرفتها عرفت انها شخصيه طيبه جدا جدا الى اقصى الحدود و وفيه جدا لاحصبها و لاخوها عمرو اللى سافر و الاهلها كلهم و تتحمل المسؤوليه بكل حوافزها
sun shine:- لالالا دى بقى مينفعش اوصفهالك بأى كلام دى يبنى اختى اللى معرفش اقول عنها الاى كلمه وحده ربنا يخليكى و يحافظ عليكى بجد انسانه بكل ما تحمل الكلمه من معنى و طيبه من كل القلب و محبه للحياه تقبل عليها بتفائل و وفيه الاهلها و اصحبها وا للى تعرفهم كلهم و لها كل التحيات منى
سلمان الفارسى :- احمد بقى بص شخصيته انا مش عارف افهمها لحد دلوقتى و ده ممكن اللى بيخلينى مبعرفش اتعامل معاه لحد دلوقتى و بالمناسبه دى حاجه خاصه و نادره جدا انك تلقينى بتعامل مع حد من غير ما افهمه و ده بيدل على انه طيب اوى عشان لو مكنش كده عمرى ما كنت حستريحه كده و بجد انا بتشرف ان ليه صاحب كده من قسم الجلوجيا
himo :- واد يا هيما لو قرأه الحاجه دى ابقى اشكرنى بقى عشان انا حسردك( قصدى حشرفك يعنى) اولا انسان طيب اوى و بجد ساعات بحس انه مش مفهوم بس برضه طيب و بحبه من قلبى
IR0NMAN:- بلاش احسن ما نزعل خلينا اصحاب احس لالالا طبعا ناصوره ده بقى ممكن تقول اخويا الصغير يعن بسيبه يدلع بس عليا عشان يفرح شويه بس بحس انه من جواه شخص طيب اوى اوى اوى و بجد هوه و يونش و حاليا خللود هوه اكتر اصحابى و هوه اللى ممكن تلقيه معاه سرى و ....... حجات كتيره اوى معرفش اكتبها يعنى بحسها بس
سلام بقى دلوقتى على بال ا اجهز الدفعة الجاية

ايه يا عم الاجابات الصاروخية دى بجد انت واد تمام وسلام

اقتباس :: comeback :- بص يا سيدى شخصيه بجد حلوه اوى يعنى اول ما عرفناها كانت ( من غير فهم غلط) بتجر شكل مع اى حد و زى ما بيقولوا ما محبه لا بعد عداوه هيه موصلتش عداوه بس لما عرفتها عرفت انها شخصيه طيبه جدا جدا الى اقصى الحدود و وفيه جدا لاحصبها و لاخوها عمرو اللى سافر و الاهلها كلهم و تتحمل المسؤوليه بكل حوافزها

بأه انا كنت بجر شكل مع اى حد ده هو ناصر اللى دخل فيا شمال اول ما دخل المنتدى ومره ولا اتنين قصدى تلاته كده مع يونس خاف على نفسك بأه انت اللى عليك الدور

وبعدين انت عرفت منين ان اخويا مسافر انا ماقلتش على المنتدى على العموم هو لسه ماسفرش
مع خالص احترامى لرأيك الجميل ده sdddd

انتى تأمرى بس دى كده معلومات غلط خالص من المصدر المهم اسف

يا جماعه خالد كده اللى حيقعد على الكرسى فياريت نفضيله مكان حلو كده و مقطقط عشان ندلعه شويه

مشكور يادكتور

اهلا بك اخى خالد فى بلدك الثانى

يلا كام سؤال كده

اسمك بالكامل ؟

محل الاقامة ؟

رقم البطاقة ؟

مزاجك ؟.

اوصف نفسك فى ما لا يقل على خمسة اسطر ؟

ايه رايك فى الشخصيات دى فى الفترة الصغيرة اللى قضيتها معانا فى المنتدى :

احمد مجاهد :

ابراهيم يونس :

احمد ناصر :

comeback :

sunshine :

حامد حبيب قلبك والعضو ده بالذات عايز تعمل فيه ايه

يلا سلام دلوقتى عشان ما اتعبكش

بجد الفكرة دي روعة يا دكتور احمد ,
تسحملي يا khaledاسالك كام سوال علي الماشي
1انت اية اكتر حاجة بتحبها؟
انت اية اكتر حاجة بتكرهها؟ انت حاسس ان .هم ميزة فيك اية؟
4.ايه الهدف اللي انت عايش علشانة؟
5.مين اغلي حد في حايتك؟ اية مواصفات البنت اللي ممكن تنجذب اليها؟

ناصر حبيبى عايز يعرف بطقتى الشخصيه كانه اول مره يشوفنى انا خالد السحيمى بلدى السنطه اما رقم البطاقه مش فاضى اما عن مزاجى روقان اما عن رايى فى ناصر ندل ابراهيم جدع مجاهد دكتور اما عن كام باك وصن شاين قمه الاحترام على حد تعاملاتى اما حامد بجد جدع بس عايز شويه اندماج اما انا انسان بسيط اتطلع لمستقبل مشرق على ايدى شباب العلوم ان شاء الله

اكثر حاجه بحبها الحب واكثر حاجه اكرها الخيانه اهم ميزه فيا الصداقه عايش للبلد اغلى حد فى حياتى ولدى مواصفات البنت الاخلاص

اهلا اهلا خالد باشا ........انا عارفه ان الامتحانات قربت وفيه مذاكره وكده فهيكون اسبوع خفيف ماتقلقش
بس ليه رجاء .....اجاباتك المرصوصه ورا بعضها دى صعبه جدااااااا ياريت تعمل اقتباس للاسئله وتجاوبها او حتى جاوب كل سؤال فى سطر او جاوب براحتك وخلاص عادى يعنى

1- ايه اللى اتغير فى حياتك بعد ما دخلت الكليه يعنى قولنا كام حاجه كده

2- ايه اللى خلاك تسجل فى المنتدى او بصيغه تانيه : انت سجلت عشان اصحابك قالولك عليه ولا دخلت وعجبك فسجلت

3- ايه اكتر حاجه بتحبها واكتر حاجه بتكرهها فى كونك ولد

4- حاسس انك عايش حياه مستقره ولا لسه مش متظبطه معاك

5- مزاجك ايه وانت بترد على الاسئله دلوقتى فى اللحظه دى على السؤال

اتغير فى حياتى انى عرفت اصحاب بجد جميله زيكم كده
هو ابراهيم قالى عليه بس بجد عجبنى
اكثر حاجه احبها القى حد يخاف عليا واخاف غليه
لا لسه الحياه مش مستقره
مزاجى رايق
وشكرا للمرور يا كام باك

استلم يا معلم(معلش انا خت عليك بسرعة)خد الشوية دول
1.انت في كلية اية؟
2.عندك كام سنة؟
3.اية اخبار الكلية معاك؟
4.لو في حد بيضليقك هتعمل معاة اية؟
5.انت شايف مستقبلك عامل ازاي؟
6.مين اكتر صاحب انت بتحبة في المنتدي دة؟
7.اية علاقتك باصدقاء السوء, تعرف حد منهم.من صاحب ليك؟
8.انا عايزك توصفلي نفسك من الالف للياء؟
9.مين اكتر واحد في المنتدي انت ما بتحبهوش؟
10.اية مدي علاقتك بالجنس الاخر؟
سلام مع اللقاء مع الدفعة الجاية

باه انا ندل يا خالد ماشى اما اشوفك يا كلب

EL_Brence كتب:: استلم يا معلم(معلش انا خت عليك بسرعة)خد الشوية دول
1.انت في كلية اية؟
انا ياسيدى كليه علوم
2.عندك كام سنة؟
18
3.اية اخبار الكلية معاك؟
الحمد لله
4.لو في حد بيضليقك هتعمل معاة اية؟
5.انت شايف مستقبلك عامل ازاي؟
فل ان شاء الله
6.مين اكتر صاحب انت بتحبة في المنتدي دة؟
ناصر وكل الفى المنتدى

7.اية علاقتك باصدقاء السوء, تعرف حد منهم.من صاحب ليك؟
لا الحمد لله
8.انا عايزك توصفلي نفسك من الالف للياء؟
انسان بسيط متفائل بحبكم كلكم
9.مين اكتر واحد في المنتدي انت ما بتحبهوش؟
مفيش الحمد لله
10.اية مدي علاقتك بالجنس الاخر؟
عادى
سلام مع اللقاء مع الدفعة الجاية

IR0NMAN كتب:: باه انا ندل يا خالد ماشى اما اشوفك يا كلب

ياااااااااااااه دا انت حبيبى ياناصر حب نار

من ايام الجيزة صح

مش بقول حبيبى

مواصفات فتاة احلامك يا عم خلود زى ما الكتاب بيقول بص كل حاجة كل حاجة وانت عارف ايه ؟

IR0NMAN كتب:: مواصفات فتاة احلامك يا عم خلود زى ما الكتاب بيقول بص كل حاجة كل حاجة وانت عارف ايه ؟

كل حاجه اولا الاحترام ثانيا عارفه لله زو قلب سليم واخر حاجه المنظر والجاه والسلطه علشان نأب على الدنيا

اظن مفيش كده
ولا ايه

هههههههه يا حدق باقول كل المواصفات حتى لون الشعر

اما انا بقي فهلففك حولين نفسك
1.انا كنت سامع انك كنت شقي اوي في العدادي ,قولنا كنت بتعمل ايةبصراحة؟
2.انا عارف ان ليك حكاية حب قديم من ايام الثانوي,احكلنا كل حاجة عنهامن اول اسمها وانت لسة بتفكر فيها ولا لا؟
3.انت كنت عارف ان في حد بينافسك علي البت بتاعتك ,اوصفلنا اية هو شعورك ساعتها؟
4.انت نفسك تتجوز مين(حدد)؟
5يعني اية علاقتك بالجنس الخر عادي؟
6.انا عارفك من واحنا صغيرين,انت فيك حاجات اتغيرت,قلنا اية هية واتغيرت لية؟
7.اية علاقتك بالسجاير(بصراحة).؟
8.انت عمرك شيشت في اي مكان.؟
9.اية الافكار اللي ات فكرت فيها ومش كويثة؟
10.انت عمرك ماعكست اي واحدة من الاعدادي لحد حالا؟
ال اللقاء في الحلقة القادمة ,ارجو ان الحلقة تنال اعجابكم

IR0NMAN كتب:: هههههههه يا حدق باقول كل المواصفات حتى لون الشعر

انا مش هقول عيون ملونه وشعر اصفر ولكن عايز واحده ترضينى وتخاف عليا

يا واد يا تقيل

يلاشوية اسئلة عن الاضاء بس بشرط لكل سؤال عضو واحد بس

عضو مثقف:...........

عضوسوبر:............

عضوتود ان تغير اسمه.:...........

عضو معجبك إسمه:............

عضو تحس انه شايب:............

عضوتتمني رؤيته:................

عضوتتمني ان تتضارب معه.:..........

عضوتتمني معرفه اسمه الحقيقي:..........

عضوتراااه اكثر من اخ او اخت لك.:...........

عضوتراااه لذيذ ومهضوم.:..............

عضوتشعر بانه غامض.:............

عضولاتنسي معروووف له:..........

عضوتفتقده بشده:..............

عضو تتمنى أن لايغيب عن المنتدى:............

عضو حساس جدا.:...............

عضو مزاجي :...............

عضو في قمه الطيبه.:.................

» بعد الامتحانات
» مغلق للتحسينات !!!