حط سؤالك وللى بعدك يجاوب عليه

يعنى مش كل الرضى بس بحاول

لو انتا واقف او واقفه فى المحطه القطر و انت مستعجل اوى وعايز تلحق تروح مشوارك و شفت واحد بيسرق شنطه من جنبك والقطر خلاص بيتحرك ياترى ايه حيكون موقفك ؟؟ تبلغ عنه و تدخل فى س و ج و تتاخر عن الحاجه المهمه اوى ديه ولا تطنش و تكبر دماغك؟

الساكت عن الحق شيطان اخرس وبعدين الواحد ما بيصدق يلاقي موقف ويثبت فيه خيره
سؤالى ايه رايك ف المنتقبات والنقاب من وجهه نظرك الشخصيه ووجهه نظر الناس عامه ؟

من وجه نظرى يمكن لأن بعض اخواتى ملتحيين فمقتنع بيه بعض الشىء
بس مش معنى كدى انى لما اتجوز هفرد على زوجتى انها تلبسه
من وجهة نظر الناس اعتقد ان نسبه كبيرة غير مقتنعه بالموضوع دة وبردك فى ناسى مقتنعه بيه بس اقل
سؤالى متى تشعر بالأطمأنان

ف حضن امى
سؤالى ايه فيك تحب انه يكون مش فيك بصرااااحه

بصراحه التسرع فى بعض بل اغلب الاحيان
سؤالى من هى ام المؤمنين التى كانت تعرف بأم المساكين

تقريبا السيده زينب بنت خزاعه مش فاكره بس هى زينب رضى الله عنها

س : بتواجه/هى مشاكل مع اخواتك الخلافات العاديه يعنى ؟وبتتصرف /ى ازاى ؟
وعايزة اجابه واقعيه

بصراحة شديدة لو بواجه مشكلة مع اخواتى بحاول اعدى الموضوع لو هو تافه لكن لو الموضوع كبير ومحتاج تدخل الاب او الام اكيد بقولهم لان احيانا فى اخوات معندهمش دم ولا تقدير

سؤالى هو ليه كل حاجه بنحلم بيها فى الدنيا مش بنحققها او تقريبا بنحقق ربعها ؟

طبعا مش كل حاجة حاجة بنحلم بيها مش بنحققها عشان الدينا تبقى ظريفة لان لو كل حاجة نحلم بيها تتحقق هتبقى الحياة فيها ملل كبير

سؤالى بتفضل انك تلاقى كل حاجة متاحة قدامك ولا تحاول تتعب عشان تجيبها وليه ؟

بص يا سيدى على حسب يعنى لو اكل , نجاح فى الامتحانات مثلا , لو ملاهى مافيش مانع دى حاجات عايزاها من غير تعب ولا مجهود
بس الفلوس مثلا ما بحبهاش تيجى لوحدها بجد يعنى افضل اتعب عشان اعرف اتمتع بيها Very Happy

س : زهقت /تى من الاجازه Question

بصراحة اه زهقت اوى من الاجازة دى بس بردو عايزة لما ارجع الجامعة تانى نفضل كده دراسة علاطول من غير امتحانات

سؤالى هو _ ما الفرق بين الوليمة والعقيقة والنقيعة والوكيرة؟؟؟

انا اللى اعرفه ان الوليمه زى العزومه كده بمناسبه او بدون
اما العقيقه فهى سنه وواجب على المقتدر ان يذبح اى شئ له قرنان اذا انجب فتاه وشيئان اذا انجب ولد
اعتقد ان الوكيره هى طعام لموظفين عندك او عمال
والرابعه مش عارف معناها بصراحه
وعلى فكره السؤال صعب

يا جماعه يا ريت نخلى الاسئله الصعبه دى لقسم المسابقات فى المعلومات العامه
واللى يدخل يسيب سؤاله قبل ما يخرج Very Happy

كويس فين بقى الاسأله بتاعتك يا comebake المهم سؤالى للبعدى ايه ارخم موقف قبلك فى حياتك؟؟؟

ارخم موقف حصلى فى حياتى ان فى واحد كنت باثق فيه جداا ولقيته عمل فيه حركة ندالة لسبب مقدرش اقوله

سؤالى ايه رأيك فى موقف العرب من الحرب على غزة ؟

يوم معرفت انى هدخل كليه العلوم مش كليه الطب بس بعد دلوقتى انا بجد سعيد انى دخلت الكليه دى
سؤالى ما هى احلامك/احلاميك المستقبليه

هههههههههههه طبعا انا بضحك على اجابه ابراهيم اللى فاتت
ثانيا اجابتى : اعزف بيانو , اعرف حاجات اكتر عن الجهاز اللى انا قاعده عليه ده , اشتغل اى شغلانه غير التدريس واحقق فيها نفسى , كل الناس اللى بحبهم يفضلوا حوليا

س : بتعرف /ى تتعاملى مع طفل لو كنت معاه لوحدك Question

زمان لا بس دلوقى بعد ما اختى الصغيره شرفت بقى ملزوم عليا انى اتعامل

س/ مين الاشخاص و الحاجات اللى متقدرش تستغنى عنها طول حياتك ؟؟؟

والدتى واخواتى طبعا اما عن الاشياء فهى الفلوس

ايه رأيك فى سلوك الاطفال اليومين دول ؟

بلاش الموضوع ده احسن عشان منلخبش فى ناس مقدرش اخبط فيهم بس السلوك عال العال مؤدبين وهدين الى اقصى الحدود يعنى مفيش احسن من كده واسأل مجرب

سؤالى مين احسن مثال ليك /ليكى فى الحياه ؟؟؟

شوف لو اجابه مثاليه الرسول طبعا ص
لو انا البنيأدمه العاديه بابا الله يرحمه طبعا

بتسمع اجنبى ولو آه لمين Question

يعنى بسمع اجنبى و بسمع لكتير من المغنين بس تقريبا العربى بيكون فى بعض الاحوال احسن (العريى يوكل)

سؤالى مين من المغنين العرب انتا /انتى بتحب تسمع لهم؟؟؟ و ليه؟؟؟؟

الاستاذ الدكتور البش مهندس / تامر حسنى

مين الممثل اللى تحب تتفرج /ى عليه ؟

مجوبتش على باقى السؤال يا باش مهندز ليه؟؟

الاجابه بحب جدا الممثل الاجنبى توم كروز و الممثل العربى (نيللى كريم)

سؤالى هل الحب جزء من حياتك و هل الاخلاص جزء من شخصيتك وهل الخجل جزء من فكرك وهل التسرع جزء من عقلك؟؟؟؟ طبعا الاجابه لكل الاسأله لازمه

» قول نص كلمة ....... واللى بعدك يكملها
» ( شىء من وصف الرسول ( صلى الله عليه وسلم )
» حوار مع الشيطان عليه اللعنه
» احاديث الرسول (صلى الله عليه وسلم)
» كـــرت العائلة (( للرسول محمد عليه الصلاة والسلام )).