اللى بيخاف يطلع بره!!!!!!!!!!

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح

مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

سال ابن اباه عن معنى السياسه فقال له الاب مش هتعرف تفهم المعنى ده دلوقت بس ممكن اديك مثال قريب............
انا مثلا الكبير هنا فى البيت فانا زى امريكا
وامك تنظم شؤن البيت فهى الحكومه
واخوك الصغير يعتبر المستقبل
وانت تعبر مثال للشباب المثقف المتعلم
والخادمه التى تعيش معنا تعتبر الشعب
وفى النهايه ذهب الابن لينام واخذ يفكر فيما قاله له ابوه ثم استيقظ من نومه ليشرب وخرج من غرفته الى الصاله ليجد التالى
فسمع صوت اخيه الصغير (المستقبل ) يبكى فذهب اليه فوجده قد تبول ولا يجد من يغير حفاضته فذهب ليوقظ امه(الحكومه) من النوم ليجدها غارقه فى النوم بحث عن ابيه (امريكا)فوجده فى المطبخ يحاول اغتصاب الخادمه(الشعب) فرجع الى مكانه وقال انا الان فهمت معنى السياسه بجد الا وهى
امريكا تغتصب الشعوب والحكومه نائمه والمثقفين بيتفرجوا ومش عارفيين يعملوا حاجه ونظر الى اخيه الصغير وقال والمستقبل رحته معفنه

منقوله عن الصحفى الكبير ابراهيم عيسى

ان شاء الله يا جماعه النكت ده تعجبكم وميكنش حد فى المنتدى معانا من امن الدوله ولا حاجه لحسن نروح فى داهيه

هههههههههههههه لا نكت حلو متخفش يا عم jfgf

هيه دى النكت يا اما بلاش ميه ميه بس لو اتمسكت يا معلم انا ولا اعرفك
تحيا مصر يا عم

ايه يا جماعه النداله ده المهم النكت تعجبكم
ههههههههههههههههههههههههههههههههههههههه

بجد انتا زي العسل والنكت عجبتني موووووت وكفايه كده بئا لحسان اتشد معاك ههههههههههههههه

جااااااااامد يا مان والله شوية نكت مية مية

يا عم انا بخاف

مصر هى امى نيلها هو

بلادى بلادى بلادى

الموال دة جامد أوي وأوعي تخاف كلنا وراك ولو حصل حاجة أنا هأف معاك حتي تحت النار
ياحدوة ياحبيبي يالي ساكن في طنطا فخر كلية علوم سكشن واحد
الي معظم الي في المنتدي دة منة
يالي نمرة تليفونك هجيبها بكرة
يا حبيب الكل اللة يرحمك
ادعولي ياجماعة

ايه ياعم الهامى التصيح ده ما تحط صورتى احسن
ههههههههههههههههههههههههههههههههههههههههههههههه