الحب عن طريق الشات ....؟

السلام عليكم
اليوم سنتكلم عن حب وهمى بكل المقاييس

حب بلا ماهية

حب فاشل بالأجماع

هو

الحب عن طريق الماسنجر

هذا المقال الذى نحن فى صدده الآن هو الحب عن طريق الشات
أو الماسنجر

هذا الشئ الذى لا ينتمى الى الحب

ولكنه خداع فى خداع أو وهم فى وهم

كيف أحب شخص معدوم الملامح بالنسبة لى

يبدأ الحوار فى الأغلب عن طريق الشات

بيتعرفوا على بعض

وقد يكون هذا التعارف به بعض الأكاذيب

وحتى لو كان هذا التعارف صادق

بيضيف كل منهم الأخر عنده فى الماسنجر

يتبادلا الكلام يومياً بالساعات

يتحدثا عن بعضهما

وقد يبوح كل منهما بأسرار لم يحكها لأحد

فيتعلق كل منهما بالأخر عن طريق التعود

فيقول هذا الشاب الى تلك الفتاة المجهولة

أنا أحبك يعبر لها عن ما فى قلبه من وهم

فتقول هذه الفتاة التى كانت منتظرة أن يقول لها هذه الكلمة

فتقول لهذا الشاب المجهول

وأنا أيضاً وبعد هذه اللحظة يتبادلا الكلام الحلو العذب

الذى تميل له القلوب

فيتعلق كلاهما بالأخر أكثر وأكثر

وتأتى لحظة الحقيقة

الى لم يحسب لها أياً منهما

ويكتشف كلاهما أنهما كانا فى وهم
كبير
اخوتي واخواتي اتمنى من كل واحد دخل هنا يعطيني رأيو بصراحة
واذا فيه تجارب
ارجو تحكوها

السلام عليكم ورحمة الله وبركاته

موضوع مهم جدااااااااااااااااا

الحقيقة اخى الفاضل انا شايفة انو مبدىء الشات بين البنت والولد فى اساسه غلط وحرام ومن الطبيعى انى اى شىء حرام ربنا ميبركش فيه

بس هنعمل ايه ده حال اخزانا واخواتنا الشات 24 ساعة
والله فى ناس فيهم سواء بنات او ولاد بيبقى جواهم حد كويس بس للاسف عنده بعض العيوب زى الشات ده

والمشكلة انو فى النهاية بعد الشات وحب الشات بيجو يتصدمو بعدين وده الطبيعى ومنهم الى ممكن يتالم اوى من صدمته فيحرم يعمل شات ومينهم الى لو عملت ايه الشات عنده ادمان

طب ليه نستنا اننا نتالم عشان نبطل نعمل شات ليه منحفظش على قلوبنا وحيائنا ودينا من الاول

بجد الشات ده كارثة ربنا يهدى شباب المسلمين والمسلمات جميعا يااااااااااااااااااااااارب

جزاك الله كل خير على موضوعك المفيد والقيم

شاكر جدا ليكى على الرد الصاروخى ده

هههههههههه مان انا رايى من راى قلب الايمان بس انا شايف ان الحب مش وهم ولا حاجه حتى لو كان من اى طريق انا يعنى مبشجعش طبعا الحب اللى بيحصل دلوقتى بالشات و الويب كام بس انا مع اللى بيقول ان رب صدفه خير من الف ميعاد ممكن تلاقى صديقه اة تلاقى صديق متعرفوش ولا عمرك شفته بس تعرفوا بعض عن طريق الشات و تتأقلموا على بعض و خير دليل بعض الجوازات اللى بتم على هذا الاساس يعنى الاحسن اننا منعممش يعنى صح ولا ايه

انا ضد الرأى ده لأنه اكيد فى حاجات ممكن تكون مدارية ورا الشخصية على الشات

واللى اكيد ما بيعرفهاش الطرف التانى

ولو ظهر كل واحد على حقيقته قدام التانى اكيد هيبقى فى كلام غير ده ولا ايه

يا مان ايه اللى يخليك تبص من الجانب الوحش بس خليك متفائل احسن ممكن يطلعوا عندهم هما الاثنين حلوين و صرحاء و ميكنوش بجد بيضحكوا على بعض صح ولا ايه؟؟

والله انت بتحاول تقنعنى بحاجة انا مش متقبلها

بس طبعا باشكرك على اهتمامك

الفكره كلها ان الحاجه اى حاجه زى ما هيه ليه عيوب ليه كمان مميزات

بس طبعا مش معقولها نؤمن بحاجة

عيوبها اكتر من مميزاتها ولا ايه؟

عندى كلام كتير فى موضوع الحب ده متهيألى مش هعرف اكتبه كله
فى رأى :اللى يحب ده ونيته خير مش بيتسلا لازم يكون اد حبه ده بمعنى راجل مسؤل يقدر يؤول لحبيبته انا هاجى اكلم اهلك لو مش قادر يبقى يحافظ عليها فى نفسه ولو ربنا مقدرهالوا هيتجوزها لو محصلش يبقى هيه ماكانتش بتعته من الاول
مش تقولى شات

بس انا عايز اقول حاجة

مافيش حد بيدخل الشات ويتعرف على بنت عشان يتجوزها لكن بيسلى شوية

وشكرا ليكى

لالالالا بجد يابنى اى حد ممكن يعجب بوحده فى اى موقف وحتى لو حان الموقف ده غير لائق للتعرف يعنى اللى بيحب ممكن يعرف اللى انا بقوله ده مع العلم انى لسه مجربتش

تقبل مرورى

أحمد ناصر انت بترد على نفسك بتقول الحب على الشات والشات ده كلام والحب عمره ما كان كلام وبتقول الواحد بيدخل عشان يتسلى والحب كمان عمره ما كان تسليه.
وانا حسيت برده ان ردى الاول كان خارج الموضوع شويه بس هو بيدور حولين نفس المبدأ
مرسيه ليك..

انا معاكى فعلا انا الحب عمره مكان ولا حيكون تسليه بس ده ميمنعش ان فى بعض الناس وخدين مسمى الحب تسليه للضحك على عقول بعض البنات اما بخصوص الشات وان فى ناس بتقع فى الحب عن طريق الشات ده بيكون مجرد اعجاب بس ممكن يتحول لحب و ممكن لا يعنى كل واحد على الشات عارف ايه اللى هوه عاوز يوصله من الشات وايه اللى قدامه عاوز يوصله برضه يعنى الحكايه متباده بس انا لسه عند رأيي ان ممكن الواحد يحب حب بجد من الشات
تقبل مرورى

» كيف نفرق بين الحب والاعجاب
» مقياس الحب
» كلام فى الحب
» الحب قديما وحديثا
» هكذا بدأت قصة الحب