1- واحدة ست مسكت حرامى فى المطبخ ،فقالت لابنها روح إنده ابوك من على القهوة جه ابوه ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم
2- مرة عريس مسطول على الاخر في ليلة فرحة بعد ما المعازيم مشيت دخل غرفة النوم لقى العروسة قاعدة قال انا عارف في الزحمة دي هينسوا حد
3- اتنين محششين بيتفرجو على ماتش فالمزيع بيقول 'دربكه فى الدفاع، دربكه فى خط الوسط، دربكه فى الهجوم، أوبااااا جوة الجون' فالمحشش قال لزميله 'إلظاهر ان دربكه ده لعيب ميه ميه
4- ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يودعهم قام واحد من عياله قفل بقه
5- الزوجة : إنت دايما شايل صورتى معاك و رايح بيها المكتب ...ليه؟
الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.
الزوجة: شايف أنا أد إيه مهمة بالنسبالك. الزوج: أيوة...ببص فى صورتك و أقول لنفسى " إيه المشكلة اللى ممكن تكون أكبر من دى؟
6- الصحفى للمليونير: لمن تعزو نجاحك كمليونير. المليونير: أنا أعزو كل شيء لزوجتى. الصحفى: يا لها من امرأة!!
ماذا كانت حالتك قبل زواجها؟ المليونير : ملياردير
7- مره واحد بخيل قوى خبط فى حيطه اتعور جامد اوى وقعد ينزف شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا
8- مسطول راح المحكمه القاضى بيسأله انت متجوز مين؟قاله متجوز واحده ست القاضى:انت بتهرج هو فى حد بيتجوز واحد راجل المسطول:اه اختى
حبة رخامة
ليه المنبه بيرن؟ عشان معوش رصيد يتصل
مرة واحد حانوتي بطل شغل وفتح محل فكهاني كتب يافتة على المحل بتقول المـــــوز علينا حــــق
واحد بيسال صاحبه هو ايه الفرق بين تجارة الحشيش وتجارة عين شمس ؟
قام صاحبه قال تجارة عين شمس 4 سنين انما تجارة الحشيش اقلها 25 سنة
فرخة معلقة سلسلة فيها صورة بيضة ليه؟؟
صورتها وهي صغيرة
فرخة معلقة سلسلة وفيها صورة طبق بيض أومليت ليه؟؟
صورة أخوها الشهيد
واحد بلدياتنا ماشي تحت الكوبري ورافع ايده ليه؟
عشان الكوبري مسلح