اولا سلام عليكو ثانيا انا بعمل الموضوع ده عشان حاجه بحبها وهي الرياضه وفي الموضوع ده خنتكلم عن السويدي والحديد والفرق بينهم ومميزات كل واحد وعيوبه
والكلام اللي هكتبه بناء علي تجربه وليس علي دراسه يعني اسأل مجرب ولا تسأل طبيب نبدأ بالسويدي :ممكن نقول ان السويدي رياضه بدنيه تعتمد علي الجسم بذاته دو ن اللجوء لوسائل خارجيه او بيعتمد علي الاشياء الطبيعيه فالنوع ده بيحاول يحاكي اللي كان بيمارسه اجدادنا من عمل شاق علي هيئة مجموعة تمرينات منها الخفيف ومنها العنيف واللي بيحتاج لمجهود جبار ومن انواع السويدي المعروفه المشي والجري والبطن والعقله وتمرينات الاطاله وما شابه ومن اهم مميزات السويدي انه بينشط الدوره الدمويه للجسم بطريقه ما لهاش حل وده سر الانتعاش والنشاط اللي بيحسه اللي بيمارسو النوع ده من الرياضه والنفس الطويل برده من اهم فوائد السويدي اللي بنحتاج كل تمرينه فيه تقريبا للقدره علي التحكم في التنفس من الناحيه العضليه بئا فالسويدي بيربي عضلات في معظم انحائ الجسم وميزة العضلات الناتجه عنه انها بتكون ناشفه جدا وده اللي بنسميه العصب يعني واللي بيظهر في حاجات زي الريست كده لكنه ما بيضخمش العضلات الا بعد مجهود جبار لكن قصاد ده العضلات فلي الحاله دي بتفضل مع صاحبها وقت طويل جدا والكويس في السويدي ان معظم الناس بمختلف العمار يقدرو يلعبوه سواء كانوا رجاله او ستات كبار او صغيرين
نيجي للحديد واللي هو بيعتمد زي ما كلنا عارفين علي رفع اثقال معينه بمقومه بتساعد في تربيه العضلات من خلال مجهود عنيف والحلو في الحديد انه بيربي عضلات بسرعه علي عكس السويدي وكمان بيضخم العضلات ويديها منظر جمالي لكن بالنسبه لنشوفية العضله ده ما بيكونش الا بممارسة الحديد بطريقه معينه غير المعروفه والعيب الكبير للحديد انه مش مناسب لكل الناس يعني ما ينفعش للأطفال ولمعظم الستات ولا لكبار السن كمان عضلات الحديد بتتحول بسرعه لدهون وشحوم اول ما تسيب ممارسه الرياضه دي
وفي الاخر يا جماعه انا بقول رأيي الشخصي ان السويدي احسن بكتير من الحديد ويا ريت الشباب يتجهوا لممارسة السويدي وبالذات الضغط والعقله عشان فوايدهم ما لهاش حل ودمتم بألف صحه وسلامه