أدهم صبري حقيقه أم خياااال

من صغري وانا بقرا روايات مصريه للجيب وبالذات سلاسل رجل المستحيل وملف المستقبل ومن شده غرامي بيها اتمنيت يبقي الأبطال بتوع الروايات دي عايشين في وسطنا يحمونا ويعلمونا البطوله زيهم قفدت شهور وسنين وانا بحلم الحلم ده زي ما أي واحد غيران عالبلد وعايز يبقي فيها ابطال زي ما كان فيها زمان لحد ما في يوم من الأيام جبت عدد جديد من سلسلة كوكتيل 2000 التي يصدرها الرائع د.نبيل فاروق أيضا وعلي فكره هو من طنطا للي ما يعرفش المهم كانت الروايه بعنوان أوراق بطل شدني العنوان ففتحت الروايه علطول وبدأت اقرا وبدأ معاها قلبي يدق بسرعه من كتر الاثاره وده لأن الروايه وباختصار كانت بتتكلم عن ان المؤلف كان بيدور علي شخصيه عملت في المخابرات يستطيع منها استيحاء شخصية بطل لرواياته كجيمس بوند او اي بطل خارق كسوبر مان وخلافه عشان هو كان حابب الشباب ياخدو البطل ده كقدوه من اصل عربي اسلامي عشان يحسو بالعزه اللي فقدوها من زمان ويحسوا بمعني البطوله اللي غاب عن اذهانهم من زمان برده وفجأه وبدون سابق انذار لقي الشخصيه اللي بيدور عليها واللي استوحي منها بعد كده شخصية رجل المستحيل وحكي له أ ص كما كان يعرف عنه في اجهزة المخابرات قصتين من بطولاته سواء في حرب الاستنزاف اثناء عمله بقوات الصاعقه والتانيه اثناء عمله في جهاز المخابرات ذكرهم الكاتب في عدد تالي والجدير بالذكر برده ان الاسرائيلين الفو كتاب بيتكلم عن الشخصيه دي وهو بعنوان (البطل العدو) واللي احتوي علي بعض عملياته الناجحه بنسبة ميه في الميه داخل اسرائيل وارائ بعض الشخصيات المهمه في الموساد في هذا البطل وبمجرد معرفتي بالمعلومه دي افتكرت المقوله اللي بتقول (فالحق ما شهدت به الأعداء)
وفي الأخر أحب اوجه شوية اسأله للي قرأ الموضوع
انتا مصدق ان ممكن تكون في شخصيه زي دي في مصر أو العالم العربي ؟
ولو مش مصدق تتمني يكون في زيها ولا لأ؟؟؟؟؟؟؟؟؟
أرجو التفاعل وتقبلو تحياتي

هههههههههههه
الله اعلم بس ايه يا عم الصور الجامدة دى

بص يا ميتو مستحيل يكون في شخصيه زي دي

لأن مفيش نجاح 100%
بس ممكن يكون النجاح قريب أوي من النسبه دي

وبجد موضوعك جامد يا ميتو

واللهى ممكن تكون حقيقيه ليه يعنى ايه اللى فيها

مفيش انسان يبقى زى الحاج الل انت بتقول عليه ده ................وألا كانت الدنيا خربت

اى نجاح فى الدنيا لازم له ارادة قوية
وممكن نحقق اى نجاح على حسب قوة الارادة

ليه بس التشائم ده يا حبى ممكن يكون انتا او انا او اى واحد من الموجودين

متشكر علي الردود يا جماعه وأنا موافقك يا سلمان عاللي بتقوله وكل حاجه تيجي بالتدريب خاصة لو كان التدريب ده من سن تلات سنين زي اللي حصل مع أدهم صبري وانا بقولك يا أحمد لو في حاجه نادره مش معناها ان هي متاحه لكل الناس يعني أدهم صبري مثلا ما لوش تاني فاهمني ولو كانت الناس زي أدهم كانت عمرت والله