ازيكم يا احلى اعضاء
الموضوع النهرده مميز جدا يعنى ممكن تكون بتقوله لنفسك بستهزاء و ممكن لا تعطيه كل اهتمامك
شدنى اوى للموضوع ده ان دكتور ليا فى الكليه الله يمسيه بالخير بقى كان بيقول كده علطول انتا اتعلمت ايه من اخر مره ؟ كان بيقصد باخر مره ديه حجات كتيره وكان بيضحك لو حد قال اجابه فى الدرس المهم ذهبت له فى المكتب و سألته (حضرتك بتضحك ليه لما حد بيجاوب) قال لانكم كلكم مش فهمين المقصود و مع ذلك بتجوبه استغربت اوى من الرد ده فقلت بس السؤال غامض كل واحد فهمه بطريقه و جاوب على اساس فهمه قل هوه ده اللى بيخلينى اضحك فاستغربت اكثر فسألته طب ايه معنى السؤال قال اخر مره ديه ممكن تكون (غلطه عملتها او امتحان امتحنته او موقف قابلته او صدفه حصلتلك)يعنى كل الاجابات ديه هيه الصح بس انتوا كنتم مركزين بس مع الدرس حسيت ساعتها ان كلامه صح معظم الردود من الطلبه كانت على اللى تعمناه من الدرس(المحاضره) و مجاش فى بلنا انه عايز يدينا محاضره فى الحياه السؤال دلوقتى انتا تعلمت ايه من اخر مره؟