حكاية ال valentine day

عيد الحب

هكذا يسميه بعض المسلمين والكفار و الحقيقه أن جملة valentine day ليست بعنى عيد الحب ولكن معناها يوم القديس فالينتين وحقيقة هذا اليوم أن هناك قس يدعى فالينتين دعا بأن يكون هناك يوماً للحب وفي هذا اليوم يخرج الناس عراه في الشوارع ويمارسوا الجنس الجماعي أي بمعنى صحيح (الحب المحرم) فعندما علمت كنيسته بذلك أمرته بترك هذه الفكره فقامت بقتله
وبعد مرور زمن تذكر الناس هذا الرجل وجعلوه قديساً لهم وأقامو عيدا للحب يسمى valentine day تخليداً لهذا الرجل العظيم عندهم

وما كان لنا أن نقف أو نلتفت لهذا العيد فهو من جملة عشرات الأعياد عندهم، ولكن لوجود من تأثر به من المسلمين والمسلمات؛ فقد وجب أن يعرف إخواننا وأخواتنا ممن يحاول المشاركة فيه بقيامهم ببعض الطقوس الخاصة به، وهم لا يدرون أن هذا العيد وهو ما يسمى (عيد الحب) عيد ديني لها ارتباط وثيق بعقيدة النصارى، وهم ـ اعني النصارى ـ متخبطون في نسبته هل هو من ارثهم، أو من ارث الرومان الذين كان لهم من الآلهة ما يشتهون، فجعلوا للحب إلهاً على طريقتهم في الاعتداد بآلهة أخرى، كما لهم من الآلهة المزعومة للنور وللظلماء وللنبات وللأمطار وللبحار وللأنهار وهكذا...

نسأل الله أن يحصن المسلمين والمسلمين وأن يرزقهم اتباع الهدي القرآني والنبراس النبوي هو ولي ذلك والقادر عليه ...

فبعد هذا كل هل تتبعون الغرب للإحتفال بهذا العيد؟

على فكرة احنا مش بنقلد الغرب فى اى طقوس خاصة بالعيد ده... لكن متهيقلى مفيش ادنى مانع انك تقول للناس الى انت بتحبهم فى اليوم ده كل سنة وانتم طيبين وكل سنة واحنا دايما مع بعض وبنحب بعض ... لكن حاشا لله طبعا ان الطقوس دى نعملها او حتى نقلدها باى صورة من الصور... تقبل مرورى

جزاك الله خيرا
وبارك الله فيك

انا كنت عارف انك ناوى على موضوع جاامد زى ما قلت

جزاك الله خيرا

sun shine كتب:: على فكرة احنا مش بنقلد الغرب فى اى طقوس خاصة بالعيد ده... لكن متهيقلى مفيش ادنى مانع انك تقول للناس الى انت بتحبهم فى اليوم ده كل سنة وانتم طيبين وكل سنة واحنا دايما مع بعض وبنحب بعض ... لكن حاشا لله طبعا ان الطقوس دى نعملها او حتى نقلدها باى صورة من الصور... تقبل مرورى

اولا لو هنتكلم على الحب فأحنا ليه نسكت طول السنه ونيجى فى اليوم دة ونقول للى بنحبه سواء الوالد او الوالدة او اى من الاقارب هو حتى الحب بين المحبوبين كل سنه وانت طيب وبعدين معنى هذة الكلمه ان هذا اليوم عيد الا تتزكرى حديث الرسول الذى قال فيما معناة ان العيد عيدين عيد الفطر وعيد الاضحى ثم نأتى نحن ونسميه عيد اى اننا نبتدع وكل محدثه بدعه وكل بدعه ضلاله وكل ضلاله فى النار
يا جماعه الدين واضح ليه احنا بنماطل فيه احنا مش محتاجين يوم واحد عشان نحب فيه او بالنسبه ليوم الام مش محتاجين يوم واحد عشان نجيب هديه للوالدة معندنا السنه كلها ليه نضيق على نفسنا باسم عيد الحب استغفر الله العظيم الله اماهدى كل ضال امين يارب العالمين

sun shine كتب:: على فكرة احنا مش بنقلد الغرب فى اى طقوس خاصة بالعيد ده... لكن متهيقلى مفيش ادنى مانع انك تقول للناس الى انت بتحبهم فى اليوم ده كل سنة وانتم طيبين وكل سنة واحنا دايما مع بعض وبنحب بعض ... لكن حاشا لله طبعا ان الطقوس دى نعملها او حتى نقلدها باى صورة من الصور... تقبل مرورى

هي فكره بس إحنا كمسلمين ليس عندنا يوما واحدا للحب بل وليس وقت محدد بل لنا في كل الأوقات أى نحن كمسلمين نظرتنا أشمل للحب ليس كالغرب يوما واحداً

وشكراً على الإهتمام

شكرا ليك يا هيما على الموضوع انا اقتنعت بالكلام معاك حق وعموما انا اصلا كنت واخداه هظار

ورجاء ياجماعه sunshine قالت رأيها وانتوا قولتوا الرأى المعارض لكن فى الاخر احنا اخوات ......

على فكرة يا استاذ ابراهيم انا مش ضالة والحمد لله... وبعدين اصلا متهيقلى انك مش انت الى كاتب الموضوع يبقى لما تدخل وترد ... ترد على كلام صاحبك وبس... وصاحب الموضوع نفسه رد بكل ذوق وانا متقبلة كلامه

يا جماعة الموضوع ده للنقاش فقط ممكن يكون يكون فى ردود تزعل بس دى للتوضيح فقط

والحكاية مش مستاهلة حد يزعل من التانى

وان اختلاف الراى لا يفسد للود قضية

تقبلوا مرورى

كلام جميل كلام معقول مقدرش اقول حاجه عنه
اولا بالنسبه عن عيد الحب انا عن نفسى شايف انه ممكن ميكنش عيد للمسلمين بس ممكن نعتبره يوم لللى بيحب حد انه يقله مش لازم يكون الحب بين الولد و البنت بس ولكن الحب بين الاهل و الاصحابو الجيران ده بيعبر عن الشعور ناحيتهم مش اكتر انا مش مع فكره عيد الحب و كمان مش مع فكره تكراره مرتين فى السنه بس انا بقول انه نخليه يوم نعترف فيه للى بنحبهم عن حبنا و تقديرنا ليهم و كده يبقى كلام سن شاين صح ميه فى الميه
اما بالنسبه للدكتور هيما ممكن نقول ان احنا مش مع الفكره نفسها احنا مع الحب نفسه يعنى مش بندعم الغرب ولا حاجه ولا حتى بنمشى زى العمى والضالين(منقوله)ولا حتى المتخلفين(جديده)اللى بيقوله انه لازم علينا اننا نحتفل بيه فى يوم محدد ولكن خليه فى اى يوم فى السنه ياسيدى وياعم احنا منسناش قول الرسول فى الحديث الشريف ولكن اللى جابه من الدكان سماه عيد واحنا بنقول حتى فى لغتنا الداركه يوم الحب مش عيد الحب ولا ايه؟ و كمان يا هيما بلاش التشدد فى الفكر والنقاش خليك عادى و طبي الحديث عشان الناس تفهمك و تقتنع بيك متعملش زى اللى كان بيدعوا واحد للصلاه فقاله انتا مابتصليش كده انتا فى النار و ربنا حينتقم منك شر الانتقام و عمره ما حيتوب عليك فوقع هوه فى الغلط بكلامه خليك متفاهم للموضوع و معنى الكلام الدقيق اللى ممكن يزعل حد منك او حتى يزعلك من حد ولا ايه يا هيما

ارجو تفهم الموضوع والنقد و شكرى الخاص و المشدد لهيمو كاتب الموضوع