تعالوا نخلى الحلم حقيق

طبعا طبعا كل البنات والولاد بيحلموا بليله الزفاف لو بكره هتبقى خطبتك هتحب الفرح ازاى وفين ومين يغنى فيه وشكل المعازيم والفستان والبدله والطرحه والورد بجد تعالوا نحقق الحلم ان شاء الله عالنت

اولا بشكرك على الموضوع الجامد ده

وانا عن نفسى بحب الفرح او الخطوبه تكون هديه و تكون فى قاعه كويسه واللى يغنى ممكن يكون اى حد مش حد معين والمعازيم طبيعى حيكونوا من اهلى و اهل العروسه بس حاجه على الضيق يعنى وحكايه البدله و الفستان ديه انا لسه معرفش حتكون ازاى يعنى ده اللى ممكن يكون فى دماغى دلوقتى و لو حاجه جات فى دماغى حقلك

وتقبلى مرورى

و مش المفروض انك تبدأى بنفسك الاول ولا ايه؟؟؟؟؟ يلا بقى قللنا ايه هوه مواصفات فرحك؟؟ يا الهدى والنور

انا وضعي يختلف بس الحمد لله انا منقبه وعشان كده كنت طرحت الموضوع لان موضوع فرحى ده حاجه شغلانى فكرت ان ممكن يكون عند حد فيكو فكره تناسبنى
اكيد فرحى مش هيكون فيه ناس كتير لانى مش هعمل فرح اسلامى انا هعمله اسلامى ومش اسلامى يعنى هيكون فيه زى ديجي بس الاغانى مش هتكون زى اى فرح الاغانى العاديه يعنى هيكون فيها اغانى زى مثلا اغنيه على الحجار كده
اما الفستان هيكون زى اى بنت اتمنى يبقى احسن فستان ف الدنيا طبعا والقاعه برده مش قفارقه معايا يعنى اهم حاجه مكان ميكنش مكشوف عشان انا ممكن مش اتحجب بسسسسسسسس ياريت تحكوا والحلم يبقى حقيقه

انا بجد اتمنى ان الفستان بتاعى يكون رقيق وفى نفس الوقت جديد والفرح احب انه يكون فى قاعة تكون كبيرة لان اكيد حيكون فى معازيم كتير قرايبى وقرايب العريس واصحابنا وزمايل ماما وبابا عشان محدش يزعل يعنى وبدلة العريس نفسى تكون سمرة والكرافت يبقى اورانج او على حسب زوقه هو يعنى حاجه ترجعله وبصراحة عايزاه دى جى مش مغنيين وكده والاهم من ده وده على فكرة الشخص نفسه لو هو حد كويس وحيتقى ربنا فيكى يا (الهدى والنور) يبقى مش فارق لا فستان ولا قاعة ولا معازيم اصلا ... ولا ايه؟؟

انا بقى اتمنى ان يوم فرحى يكون يوم ماحصلش وان الفستان يكون تاريخى والطرحة تكون بيضة طبعا زى كل البنات وانك منقبة ماقدرش اقلك يوم زفافك تبقى عاملة ازاى لان دى فعلا حاجة ممرتش عليا قبل كده

شكرا على الاحلام دى