مجموعه 1 نكت

موضوع: مجموعه 1 نكت الإثنين يناير 19, 2009 10:56 pm

دى شويه نكت حلوين ويارب تعجبكم.....

*مره اتنين صعايده بيلعبوا شطرنج الملك مات مشلول
________________________________________________________________

* واحد صاحب مزرعة فراخ محمل العربية فراخ و سايق وقفته لجنة و سأله الظابط"محمل ايه" قاله"فراخ"فرد الظابط "وبتأكلها ايه؟" قاله "قمح" فرد الظابط غرامه 100جنيه "بتأكل الفراخ قمح والبلد مش لاقيه تاكل" وهوه مكمل لقى لجنه تانيه وسأله الظابط"محمل ايه" فرد فراخ فقاله الظابط"وبتأكلها ايه؟"فرد "زباله" فقال الظابط غرامه 100جنيه "بتأكل الفراخ زباله و تسمم الناس" فكمل السواق مشواره وهوه ماشى وقفته لجنه تالته سأله الظابط"محمل ايه"رد فراخ فسأله الظابط "و بتأكلها ابه" قله واللهى ياباشا انا بادى لكل فرخه منهم مصروف تروح تاكل اللى هيه عايزاه
________________________________________________________________

*ثلاثه صقور اتراهنوا على الصيد راح الاول ورجع في منقاره دم قليل قال شفتو الشجره اللى هناك دى؟ قالوا أيوه قال اصطادت عندها أرنب راح الثاني ورجع في منقاره دم كثير قال شفتو الصخره اللى هناك دى قالوا أيوه قال اصطادت عندها غزال راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش
_______________________________________________________________

*اثنين محششين قاعدين قدام مرايه الأول قال قوم نسلم على اللي قاعدين قدامنا ، ولما وقفوا قال الثاني اقعد اقعد هما جايين علينا
_________________________________________________________________

*ثلاثة فشارين راحوا للغابة علشان يصطادوا الأول قال هاصطاد أرنبين والثانى قال هاصطاد غزالين والثالث حب يوسعها وقال هاصطاد نمرين وراح كل واحد على اساس يصطاد اللى قال عليه الأول اصطاد الأرنبين والثانى الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى عدا علي اصحابه قالهم امسكوه على بال ما اجيبلكوم الثانى
________________________________________________________________

*جماعة محششين قاعدين في خيمة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال شباب ألاقى عندكم كبريت قالوله استريح لسه باعتين واحد أول ما يرجع نديلك واحد
___________________________________________________________________

*في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة
___________________________________________________________________

*واحد بيحلق دقنه التليفون رن ، عور نفسه عشان لما يرجع يعرف هو وقف لحد فين
___________________________________________________________________

*محشش بيسوق عربية ومعاه أبوه ، أبوه قاله : لف .. المحشش قاله لف انت انا سايق
___________________________________________________________________

*حكمة المحشش : العلم نور, والنور كهرباء , والكهرباء خطره . .... يبقى نتعلم ليه؟
___________________________________________________________________

*واحدة اديت صاحبها بغبغاء هدية ثاني يوم سألته عن الببغاء؟؟؟ قالها عادي طعمه زى طعم الفراخ
___________________________________________________________________

*مره واحده ست بعتت زوجها يشتري لها ملوخيه فداسوا اتوبيس فبتحكي لجارتها قالت لها ياعيني وعملتي ايه؟ قالت لها عملت بميه
___________________________________________________________________

*مره اثنين مساطيل ركبوا اتوبس بدورين الي تحت بيسال الي فوق انتوا ماشين على سرعه كام قالول 80 بيسالوا وانتوا؟ قالول لا احنا السواق لسا مجاش
___________________________________________________________________

*واحد اشترى طبق دش للقنوات الفضائيه و حطة علي سطح البيت عنده, فخاف علية لحد يسرقة فنزل الشارع لجيرانه
وقال: للناس محدش يطلع السطح علشان جايب كلب كبير قوي قوى ومسعور ومفترس فوق السطح ..,,
و بعدين اتنين اخدهم الفضول فواحد قال للتاني : تعرف تطلع ولا تخاف؟
قالوا اه طبعا اعرف... فطلع و لما نزل كان خايف فصحبة قاله: ايه ماللك بتترعش كده ليه شفت الكلب؟
قاله لا .. بس شفت الطبق اللي بياكل فيه
___________________________________________________________________

*مره واحده معاه عربيه صغيره وتعبانه وحالتها تغم عرضها على واحد غنى جدا انه يبيعها بملغ كبير جدا الغنىى قاله ليييييييييييييه وكان هياكله ,, صاحب العربيه قاله استنى هوريك واحكم بنفسك راح دعك العربيه طلعله عفريت قاله شبيك لبيك قاله هات اتنين شاى فى ثوانى كان الشاى موجود,, الراجل الغنى مصدقش عنيه وقاله هديك اللى تطلبه وزياده فى العربيه دىى ,, بعد ما اشتراها راح البيت دعك العربيه طلعله العفريت قاله شبيك لبيك
الراجل قاله هاتلى دهب والماس ودولارات رد العفريت وقاله انا بتاع شاى بس
____________________________________________________________________

*جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عية وقال معلش اصل شكلها كدة النهاردة اخر حلقة
____________________________________________________________________

*اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر
____________________________________________________________________

*واحد سكران فتح التلاجه وبص للجلي ...وجده بيرتعش :قالوه متخفش هاخد عصير
____________________________________________________________________

*مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش
_____________________________________________________________________

*مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه فعلى صوته شوية : قدامك شجرة برضه مردش عليه فقاله : حاسب قداااامك شجرررر .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟
_____________________________________________________________________

*واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
_____________________________________________________________________

*بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها
_____________________________________________________________________

*مره تلميذ بيسال الاستاذ بيقول له: هم ممكن الانسان يعاقب على حاجه معملهاش؟ قال له لا طبعا . ففرح التلميذ اوي وقال له "خلاص انا معملتش الواجب
_____________________________________________________________________

*مره طالبه مشاغبه المدرس اشتكاها للمدير المدير بعتها قال لها "عملتي ايه"؟ قالت له"ولا حاجه رميت ورده من الشباك" قال"بس كده"؟ قالت له"اه"بعد شويه لقى طالبه مدغدغه ومكسره سالها "ايه الي عمل فيكي كده"؟قالت له " انا ورده الي اترميت من الشباك
_____________________________________________________________________

*في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى حيرجع كام الف،التلميذ:مش حيرجع حاجه يااستاذ ، الاستاذ: ياابني استلف الف وبعديها الف تانيه ، التلميذ:مش حيرجع حاجه يا استاذ ، الاستاذ:اقعد ياابني انت متعرفش حاجه في الحساب ، التلميذ:وانت متعرفش ابويا يااستاذ
____________________________________________________________________
______________________________
__________________
_________
____
ارجو ان تكون هذه المجموعه امتعتكم وسلامى للجميع
*