ابليس.....زهق من الابالسه

ابليس زهق من الابالسه..

على باب سفارة كندا
لمحت ابليس و ف ايده استماره
بقول له على فين
قاللي بص...
يا هجره يا اعاره
يا عم زهقت كفرت
الاقيش معاك سيجاره
انا انتهيت خلاص
لا نافع وسواس ولا خناس
ولا ليا عيش وسط الناس
دي عالم مجرمين
عندكوا فائض ف الفساد
في كل البلاد
ومش محتاجين شياطين
مليش عيش ف البلد دي
بقالي سنين عاطل
و انتوا بتعرفوا
تقلبوا الحق باطل
و تسلكوا القاتل
و تمشوا ف جنازة المقتول
ومفيش مشاكل
يا عم ده انا بقيت أوسوس بالمقلوب
و أقول للحرامي كفايه بقى توب
انت هاتعمل كل الذنوب لوحدك
و أنا ابليس
أشتغل واعظ
ولا كمساري ف اتوبيس
يا عم ده انا زمان
كنت استنى حد ينسى
يسمي
وهو بياكل لقمته
دلوقتي كل اكلكم ملوث
و بصراحه الواحد خايف على صحته
ده مفيش ضمير اساسا
عشان اموته
و كل واحد بمزاجه
خربانه ذمته
يا عم ده كل حاجه اتسرقت
وكده الاجيال الجديده
م الحراميه اتظلمت
يا راجل ده من كتر ما لطشت معايا
خرجت ف مظاهره
مع الناس اللي بتقول كفايه
و برضه مفيش فايده

ابليس زهق من الابالسه.............

فعلا ابليس عنده حق
بس لسه الدنيا بخير
فلابد ان يكون هناك دعوه للتفاؤل

صح كده التفائل هوه المفتاح لكل المشاكل و مشكور على المرور

انت كلامك صح فى كل اللى قلته

لكن هناك نسبة لا تعرف عن المعاصى شيئا

مفيش حد فى الدنيا ميعرفش حاجة عن المعاصى هما بيكونو عارفينها بس مبيرضوش يعملوها عشان خايفين من ربنا وبعدين فعلا لسه الدنيا بخير... تقبل مرورى

طبعا ازاى فى حد مايعرفش حاجة عن المعاصى ده يبقى انسان جاهل وفريد من نوعه

تقبل مرورى

تقبلته يا سيدى بس انا عندى اعتراض اى انسان مهما كان مدى جهله اكيد عارف الصح من الغلط و المعصيه من الاجر بالفطره الان فطره الانسان على صواب دائما وقد قال الرسول فيما معناه استفتى قلبك اى ان للفطره دور فى اساس الدين و مشكورين يا جماعه على المفاعله فى الرد و ارجو المزيد

» الايه التى تبكى ابليس!!!!!!!