على كــ(مغلق حتى الانتهاء من الامتحانات)ــرسى الاعتراف

بسم الله الرحمن الرحيم

اولا احب اهنيكى لوجودك علىالكرسى للاسبوع التانى

هابداباسئلة سهلة

1- هدفك فى الحياة ؟

2- مواصفات فتى احلامك بالتفصيل حتى لطول والوزن ورقم التليفون ؟

3- حاجة بتحب تعمليها الصبح اول ما تصحى غير الكابتشينو ؟

4- ايه رايك فى الخجل ؟

5- كنتى تحبى تبقى ايه غير مدرسة ؟

6- لو حسيتى ان صاحبتك الانتيم مخبية عنك حاج هيكون ايه تصرفك مع العلم ان الحاجة دى قايلاها لناس تانية ؟

7- ل صاحبتك عملت فيكى موقف بايخ او حطتك فى موقف محرج هيتعاتبيها ولا هتقولىكلب وراح نشوف غيره ؟

8- غيرتى من صاحبتك قبل كده وايه السبب؟ ( اكيد حصل يعنى )

9- لو بتحبيه وهو فقير هتاكليها معاه بدقة ولا هتدرى على واحد تانى ؟

10- شخصيتك نوعها ايه ( مميزة - مستقلة - ممكن د يفرض شخصيته عليكى )

11- (كلام الناس لا بيقدم ولا ياخر ) ايه رايك المقولة دى ؟

12- بتخلى اخوكى يفرض سيطته وتحكمه عليكى ؟ ماتقوليش انا الكبيرة

13- لو صحيتى من النوم مرة ولقيتى نفسك ولد هتعملى ايه وموقفك هيبقى ازاى ؟

14- اكتبى ىتعليقك على كل عضو من الاعضاء الجايين :

comeback: ...........................

gam3ettanta:........................

dr:ahmed megahed:......................

himo:..........................................

سلمان الفارسى :..............................

الكوتش :...........................................

sunshine :.......................... عارف ان ده اسمك بس عايزك تعلقى على نفسك

مش هاكتب اسمى عشان سمعت تعليقك قبل كده ولو عايزة حطى

ترشحى مين للاسبوع الجاى لكرسى الاعتراف

انا هارشح سلمان الفارسى

ironman كتب:: بسم الله الرحمن الرحيم

اولا احب اهنيكى لوجودك علىالكرسى للاسبوع التانى

هابداباسئلة سهلة

1- هدفك فى الحياة ؟
واللهى نفسى احس ان ليه لزمة وبفيد حد وكمان نفسى اشتغل فى مجال غير التدريس ده
2- مواصفات فتى احلامك بالتفصيل حتى لطول والوزن ورقم التليفون ؟
هههههههههه طب ما اقولك هو مين احسن بالمرة ... انا على فكرة مش من البنات الى بيقعدو يقولو عايزاه طويل وزى القمر والكلام ده لا خالص اهم حاجه يكون بيحبنى ويتقى ربنا فيه وميهنيش فى يوم من الايام
وكمان يكون فى المستوى زيى تقريبا لو اعلى عادى لكن مش اقل عشان بجد الموضوع ده بيجيب
مشاكل وكمان انا واللهى مش ماديه خالص يعنى مستعده اقف جنبه لحد آخر يوم فى عمرى ... اما
الطول ده عادى بس ميكونش اقصر منى وميكونش تخين
3- حاجة بتحب تعمليها الصبح اول ما تصحى غير الكابتشينو ؟
اسمع ابتهالات الشيخ نصر الدين طوبار ... بحس براحه فظيعه
4- ايه رايك فى الخجل ؟
مطوب بس ميكونش زايد عن الحد لانه بيقلب بانطواء والناس تفهمك غلط انك متكبر بقى وضعيف
وممكن يضحك عليك لكن خير الامور الوسط
5- كنتى تحبى تبقى ايه غير مدرسة ؟

دكتورة بيطرية
6- لو حسيتى ان صاحبتك الانتيم مخبية عنك حاج هيكون ايه تصرفك مع العلم ان الحاجة دى قايلاها لناس تانية ؟

عادى يعنى دى حريه شخصية ومش حزعل خالص واللهى هى ممكن تكون شايفة انها لو حكتلى
حفهمها غلط او الوقت مش مناسب عادى يعنى
7- ل صاحبتك عملت فيكى موقف بايخ او حطتك فى موقف محرج هيتعاتبيها ولا هتقولىكلب وراح نشوف غيره ؟
لا خالص امال اصحاب ازاى لو صاحبتى بجد حعاتبها طبعا عشان بحبها
8- غيرتى من صاحبتك قبل كده وايه السبب؟ ( اكيد حصل يعنى )
على فكرة بقى انا الحمد لله واللهى مبغيرش الغيرة الى هى بتاعة البنات دى لانى الحمد لله مش ناقصنى حاجه بس حتى الغيرة العلمية كنت بغيرها فى ثانوى لكن دلوقتى لا خاااااااااااااااااااااااااااالص

9- لو بتحبيه وهو فقير هتاكليها معاه بدقة ولا هتدرى على واحد تانى ؟

واللهى واللهى واللهى وبكل صراحه حاكلها معاه بدقه لو بحبه ويحبنى وحقف جنبه كمان عشان اخليه يعمل
حاجه ليه وليا
10- شخصيتك نوعها ايه ( مميزة - مستقلة - ممكن د يفرض شخصيته عليكى )

الحمد لله مستقله بس مبنشفش دماغى يعنى بسمع وجهة نظره مثلا ولو صح خلاص اوك
11- (كلام الناس لا بيقدم ولا ياخر ) ايه رايك المقولة دى ؟

مش دايما لان كلام الناس احيانا بيودى فى داهية حتى لو بالكدب عشان الناس بتصدق علاطول الى
بيتقال لكن فى ناس عاقلة تبقى عارفة فلان ممكن اصدق عليه ايه ومصدقش عليه ايه
12- بتخلى اخوكى يفرض سيطته وتحكمه عليكى ؟ ماتقوليش انا الكبيرة

ساعات اه عشان هو راجل بردو بس باحترام طبعا بس ساعات بدايق بصراحه ويقولى حاجى اوصلك
ومتتاخريش وكده
13- لو صحيتى من النوم مرة ولقيتى نفسك ولد هتعملى ايه وموقفك هيبقى ازاى ؟
ههههههههههه ايه يا بنى استغفر ربنا بس لو حصل حموت نفسى ههههه
14- اكتبى ىتعليقك على كل عضو من الاعضاء الجايين :

comeback: ..صاحبتى واختى وبحبها موت وممكن اعمل اى حاجه عشانها وهى حد طيب.........................

gam3ettanta:...اخويه واللهى وحد محترم وربنا يوفقه .....................

dr:ahmed megahed:...اخويه طبعا واكتر كمان وعشرة عمر ويا رب افرح بيك يا ميدو...................

himo:...انا بصراحه معرفهوش بس اخ محترم بردو ومواضيعه حلوة اوى كمان.......................................

سلمان الفارسى :..نفس الكلام بردو............................

الكوتش :..نفس الكلام بردو.........................................

sunshine :...اعلق ازاى طيب ههههههه انا حد عادى جدا وبحب الناس كلها ونفسى بجد ارضى ر
ربنا واهلى ونفسى....................... عارف ان ده اسمك بس عايزك تعلقى على نفسك

مش هاكتب اسمى عشان سمعت تعليقك قبل كده ولو عايزة حطى

ترشحى مين للاسبوع الجاى لكرسى الاعتراف

انا هارشح سلمان الفارسى

الدفعة التانية : ما هو انا مش هاسيبك غير اما اعرف انك انتحرتى

1- ايه رايك فى تامر حسنى ؟

2- ممثلك المفضل / ممثلتك المفضلة ؟

3- مغنيكى المفضل / مغنيتك المفضلة ؟

4- نوع العربية المفضل بالنسبة ليكى ؟ انا طبعا عارف ان كفرالزيات اخر حاج وصلتها كانت التكتك

5- عايزك وبكل صراحة من خلال فترة وجودك فى المنتدى تقوليلى حاجة بتكرهيها او صفة وحشة فى الاعضاء اللى انا حاطتهم قبل كده واولهم انا عشان اعرف صفاتى واحاول اغير منها ؟ بس اهم شىء الصراحة ومحدش هيزعل

6- انا معجب بيكى / مستنى ردك ؟ انا باعتبر ده اهم سؤال وهاقلك بعدين بس اما تجاوبى

يلا سلام ومش عايز زعل المشوار لسه طويل

ironman كتب:: الدفعة التانية : ما هو انا مش هاسيبك غير اما اعرف انك انتحرتى

1- ايه رايك فى تامر حسنى ؟
بحبله اغانى معينة كده بس هو كشخصية مبيعجبنيش
2- ممثلك المفضل / ممثلتك المفضلة ؟

مصطفى شعبان \ منة شلبى
3- مغنيكى المفضل / مغنيتك المفضلة ؟
وائل جسار طبعا \ شيرين
4- نوع العربية المفضل بالنسبة ليكى ؟ انا طبعا عارف ان كفرالزيات اخر حاج وصلتها كانت التكتك
سكودا اوكتافيا ... ههههههه واللهى العظيم يا بنى احنا بلد صناعيه ونسبة الصناعه والشركات اكتر من اى محافظة تانية ... محسسنى ان المحلة فيها مطار
5- عايزك وبكل صراحة من خلال فترة وجودك فى المنتدى تقوليلى حاجة بتكرهيها او صفة وحشة فى الاعضاء اللى انا حاطتهم قبل كده واولهم انا عشان اعرف صفاتى واحاول اغير منها ؟ بس اهم شىء الصراحة ومحدش هيزعل
1- كم باك : ممكن بس تكون عندها الدفعه شوية زيى بالظبط
2-يونس : انا طبعا معرفوش عشان اعرف صفاته وكده بس هو شكله كده زى ما قلت قبل كده مبيحبش
يبين زعله ودى رجوله عادى مش عيب فيه ولا حاجه
3-ناصر: بحسك عصبى شويه
4- مجاهد : صوته من دماغه وبحسه مش بيقتنع بكلام حد اوى بس انا لا يا ميدو طبعا صح؟

6- انا معجب بيكى / مستنى ردك ؟ انا باعتبر ده اهم سؤال وهاقلك بعدين بس اما تجاوبى
واللهى يا احمد لو حد قالى كده حقوله اوك وامشى عادى يعنى مشاعره لازم احترمها بردو
بس لو انت بقى حقولك اوك وانت بجد اكتر من اخويه
بس بليز قولى بقى حتقولى ايه بعد ما اجاوب
يلا سلام ومش عايز زعل المشوار لسه طويل

اقتباس :: واللهى يا ختى ولا عمرى شفتهم

انا هعرفهملك كمعلومات عامه يعنى اصلهم مشهورين اوى يا sun عموما اللى لابس ازرق ده (روجر فيدرير )كان المصنف الاول على العالم لسنين كتير كده واخدت بطوله الويمبلد يجى 10 مرات
لحد ما نطله فيها العسل التانى اللى واقف جنبه (رافائيل نادال ) هو المصنف الاول دلوقتى على العالم ولاعبه على نهائى اخر بطولتين واخدهم منه ..

اقتباس :: ده ممكن يكون رونالدينهو اصلا مبحبش الكورة وبعدين اكيد الارض هى الى عورته كده

طيب حد يدينى عقله ازاى الركبه اللى زى القشطه تبقى ركبه رونالدنهو اللى زى الفحمه
انا مش عارفه رقم 19 ده يبقى مين بس تقريبا كده ميسى لو كنتى تسمعى عنه

اقتباس :: -يونس : انا طبعا معرفوش عشان اعرف صفاته وكده بس هو شكله كده زى ما قلت قبل كده مبيحبش
يبين زعله ودى رجوله عادى مش عيب فيه ولا حاجه

هو ايه ده بس اللى مزعل يونس ومخبيه انا نفسى اعرف

1- هل انتى من مرتدين الشات ؟ ما هو ميلك اللى بتستخدمه حاليا ؟؟

2- كم مرة رسبتى في دراستك.؟

3- لو قال لك المصباح السحري إختار أمنيتين تختار.ى ايه...؟

4- متى آخر مره انضربتى ؟ ومن مين ؟ وليه؟

5- لو أُعطيتِى جائزة نوبل ففي أي مجال تحبى أن تكون الجائزة؟

6- لو ألفتى ديواناً ماذا سيكون عنوانه؟

7- لو كنت بهذه المناصب ماذا تفعل:

وزيرة الصحه:

وزيرة التربية والتعليم:

وزير الماء والكهرباء:

8- من هم الاعضاء المميزين من وجهة نظرك ؟؟؟ ولا تقولى الكل مميز عايز اسماء.....

هى اسئلة سهلة اه بس لسه فيه تانى وبصى الساعة 12 الاربع يوم الجمعة فى اسئلة هههه

1-هل انتى راضيه عن نفسك
2-ايه الصفه الى فيكى ونفسك تغيريها
3-لما بتكونى متضايقه بتروحى لمين
4-متى اخر مرة تضاربتى مع حد
5-عضو اسمه جميل
6-عضو هادى
7-عضو مجتهد
8-لمن توجهى هذة الكلامات
------الله يخليك لينا
------انت قلم مميز
------انا دائما من متابعينك سواء لمواضيعك او لردودك
------عليك خفه دم محصلتشى
------يفتخر المنتدى بأمثالك
9-افضل مكان تفضلى الخروج له
10-نصيحه تقدميها لى
11- ايه انطباعك عنى
12-اول قسم تتدخليه لما تتدخلى المنتدى
13-اجمل مرحله دراسيه مرة عليكى
14-هل تؤلميك حرارة الانتظار
15-ماذا يعنى لكى اسم sunshine وليه اخترتى هذا الاسم
16- ... أكتبي كلمة واحدة فقط ترتبط في ذهنك إن ذكرت هذه الكلمات

السياسة :
العنف :
الربيع :
الهدوء :
النوم :
الصحراء :
السماء :
الشروق :
الغروب :
البحر :
العَلَم ( البيرق ) :
الدموع :
مصر :
الورود :
الخيمة
17-لو اخوكى قالك انه هينفز عمليه استشهاديه ايه رد فعلك
18-موضوع كتبه احد الاعضاء وتمنيتى انك انتى الى تكونى كتبتيه
19-هل تؤمنين بصداقة الآنترنت
20-ماذا تقولين لهؤلاء
حسنى مبارك توقف

وخلى بالك متوديناش فى دهيه تحيا مصر king

وافريقيا :,ZMPL: :,ZMPL:

عادل امام

تامر حسنى

عمرو دياب

فضيله الشيخ محمد حسان ,nza

حماس

الجهاد الاسلامى

شارون
21-سؤالين ( شبه ) خياليين :

الأول ..
لو فرضنا انك تستطيعين ان تحكمي هذه الأرض في 3 أيام فقط .. ماذا ستفعلين ؟؟
الثاني ..
لو كان لك يوم واحد تستطيعين ان تكوني به خفية لا يراك أحد .. ايضا ماذا ستفعلين ؟؟

اقتباس :: مع تحيات المفتش كرومبووووووووووووووو انا عرفت الاجابات يا ترى انتى كمان عرفتى الاجاباب

ironman كتب:: 1- هل انتى من مرتدين الشات ؟ ما هو ميلك اللى بتستخدمه حاليا ؟؟
لا خالص _ انا اصلا مش مصطبه الياهو خالص هههههههه

2- كم مرة رسبتى في دراستك.؟
ولا مرة الحمد لله

3- لو قال لك المصباح السحري إختار أمنيتين تختار.ى ايه...؟

1- اطلع ماما وبابا يحجو
2- اشترى عربية سكودا اوكتافيا ههههههه
4- متى آخر مره انضربتى ؟ ومن مين ؟ وليه؟

من ماما طبعا واللهى كان من زمان مش فاكرة بالظبط وكان عشان اتصرفت غلط كده فى حاجه مع احد
اقاربنا بس اصلا الحمد لله بنتفاهم بردو
5- لو أُعطيتِى جائزة نوبل ففي أي مجال تحبى أن تكون الجائزة؟
فى مجال كتابة القصة القصيره ههههههه
6- لو ألفتى ديواناً ماذا سيكون عنوانه؟

بلا هدف او حياة بلا هدف= ضياع
7- لو كنت بهذه المناصب ماذا تفعل:

وزيرة الصحه: حنضف المستشفيات الحكومى واخليها زى الخاصه فى الخدمة وكفاءة الاطباء وكده

وزيرة التربية والتعليم: حشيل الفرنساوى من المرحلة الاعداديه والغى سادسة ابتدائى

وزير الماء والكهرباء : حرخص رسوم الكهرباء على المواطنين يعنى مثلا احنا بس عشان ندخل الكهربا فى بيتنا هنا دفعنا 5000 جنيه رسوم بس
وكمان حنضف النيل من القرف الى فيه ده طبعا مش فى القاهرة لانه نضيف هناك ولكن فى المدن الى النيل
بيمر فيها على طول الخط

8- من هم الاعضاء المميزين من وجهة نظرك ؟؟؟ ولا تقولى الكل مميز عايز اسماء.....
انت ويونس ومجاهد وهيمو وكم باك طبعا و مون هل وسلمان بس واللهى كل الاعضاء مميزين فى مواضيعهم
وردودهم
هى اسئلة سهلة اه بس لسه فيه تانى وبصى الساعة 12 الاربع يوم الجمعة فى اسئلة

gam3ettanta كتب:

1-هل انتى راضيه عن نفسك
بصراحه لا او ساعات وساعات ، مش راضيه عن نفسى لانى مبعملش حاجه بحبها
2-ايه الصفه الى فيكى ونفسك تغيريها
العصبيه وساعات بتسرع فى اخد قراراتى بس الحمد لله بصلح الوضع تانى
3-لما بتكونى متضايقه بتروحى لمين
لصاحبتى كم باك
4-متى اخر مرة تضاربتى مع حد
من شهرين كده مع واحدة صاحبتى بس سيبتها تتكلم تتكلم وفى الاخر قلتلها ممكن تسكتى بقى وسيبتها
ومشيت
5-عضو اسمه جميل
القيصر
6-عضو هادى
محمد عبد القوى على ما اعتقد يعنى
7-عضو مجتهد
يونس
8-لمن توجهى هذة الكلامات
------الله يخليك لينا بابا
------انت قلم مميز الشاعر العظيم صلاح جاهين
------انا دائما من متابعينك سواء لمواضيعك او لردودك ناصر ومجاهد وانت يا يونس وكم باك
------عليك خفه دم محصلتشى كلكم واللهى دمكم خفيف ومحترمين ربنا يحميكم
------يفتخر المنتدى بأمثالك مجاهد ويونس
9-افضل مكان تفضلى الخروج له على الكورنيش احيانا او اروح لكم باك
10-نصيحه تقدميها لى ذاكر كويس واجتهد عشان نباركلك اخر الترم وانت جايب تقدير حلو باذن الله يا رب
11- ايه انطباعك عنى انت يا يونس حد محترم بجد ونفسك تعمل حاجه مفيدة وحلوة وراجل فى تصرفاتك
وكلامك ... واللهى يا يونس كلكم محترمين
12-اول قسم تتدخليه لما تتدخلى المنتدى
النقاش العام
13-اجمل مرحله دراسيه مرة عليكى
تالته ثانوى كانت اجمل سنة دراسيه فى عمرى كله
14-هل تؤلميك حرارة الانتظار
جداااااااااااااااااااااااااااااااااااا مبحبش انتظر ابدا
15-ماذا يعنى لكى اسم sunshine وليه اخترتى هذا الاسم
واللهى يا يونس انا ساعة ما سجلت فى المنتدى مفيش اسم عايز ييجى على بالى خالص هو ده الى لقيته
بس هو مش عاجبنى اوى يعنى بس مش حغيره لانى اتعودت عليه بقى
16- ... أكتبي كلمة واحدة فقط ترتبط في ذهنك إن ذكرت هذه الكلمات

السياسة : حسبى الله ونعم الوكيل
العنف : همجيه
الربيع : هدوء
الهدوء : راحه
النوم : حلو بصراحه هههههههه
الصحراء : خوف
السماء : مالكة الدنيا
الشروق : يوم جديد
الغروب : حزن
البحر : الغدر
العَلَم ( البيرق ) : انا مش فاهمة الكلمة يا يونس واللهى
الدموع : بفرج عن نفسى بيها
مصر : بحبها زى ما هى كده
الورود : الحب
الخيمة بتفكرنى بالامتحانات
17-لو اخوكى قالك انه هينفز عمليه استشهاديه ايه رد فعلك
مش حوافقه خالص لانى بعتبره كفر وانتحار لان ربنا بس هو الى بايده حنموت امتى وفين ومش من حق الانسان انه ياخد قرار زى ده امتى وفين حيموت ...
18-موضوع كتبه احد الاعضاء وتمنيتى انك انتى الى تكونى كتبتيه
موضوع كم باك بتاع الولد الى مات ده وايده طلعت من الحيطة وروحه كانت ماشية ورا كفنه وكده بس مش
فاكرة عنوان الموضوع معلش
19-هل تؤمنين بصداقة الآنترنت
لا
20-ماذا تقولين لهؤلاء
حسنى مبارك توقف

وخلى بالك متوديناش فى دهيه تحيا مصر king

وافريقيا :,ZMPL: :,ZMPL:
حقوله بجد البلد لسه محتاجه حاجات كتير اوى
عادل امام

حقوله بحب افلامك جدا بس الاخرانيين دول لا وانت بجد ممثل عبقرى وبتعرف ازاى تقنع الى قدامك
تامر حسنى
حقوله خد بالك من تصرفاتك قدام الكاميرات وفى الحفلات وكده

عمرو دياب

صوتك حلو بجد وخصوصا حبيبى يا نور العين تحفه اوى
فضيله الشيخ محمد حسان ,nza

انا بصراحة مش متابعاه اوى بس شفته كذا مرة وهو حد بيشرح حلو اوى
بس بصراحه فى كلام مش بقتنع بيه

حماس
ربنا ينصرهم طبعا
الجهاد الاسلامى
هو فين اصلا الجهاد الاسلامى ده كل واحد بيقول يالا نفسى

شارون ربنا ياخده وحسبى الله ونعم الوكيل
21-سؤالين ( شبه ) خياليين :

الأول ..
لو فرضنا انك تستطيعين ان تحكمي هذه الأرض في 3 أيام فقط .. ماذا ستفعلين ؟؟
طبعا حاشا لله ربنا هو حاكم الارض بس لو بقيت زى رئيسه كده او حاجه حضم كل البلاد العربيه واسميها
المملكة العربيه المتحده والغى بلاد تانيه من على الخريطة كده انت فاهمنى بقى الا انا كده حاسه ان امن
الدوله حيخبط على الباب دلوقتى
الثاني ..
لو كان لك يوم واحد تستطيعين ان تكوني به خفية لا يراك أحد .. ايضا ماذا ستفعلين ؟؟
حقتل واحد فى بالى كده واقتل الجيش الاسرائيلى كله واخد فلوس من ناس حراميه اديها للناس الغلابه
وطبعا كلها احلام تتحطم على صخرة الواقع ... لو امن الدوله جه ولا اعرفك يا يونس هههههههه

اقتباس :: مع تحيات المفتش كرومبووووووووووووووو انا عرفت الاجابات يا ترى انتى كمان عرفتى الاجاباب

1- تخيلى انكى لستى انتى فمن تريدى ان تكونى؟
2- باقة ورد لمن تهديها؟
3- باقة شوك لمن تهديها؟
4- أسوأ خبر سمعتيه؟
5- شخص لا ترفضى له طلبا؟
6- من يطربك ؟
7- ما هي التجربة التي تتمنى تكرارها؟
8- من هو توأم روحك؟
9- ماهو أكثر شيء تخشيه؟
10- ما الشيء الذي يشعرك بأكبرقدر من الإحراج؟
12- حمام زاجل استقر على نافذتك يحمل رسالة من مجهول ممن تتمنى أن تكون؟
13- جريمة تتمنى أرتكابها؟
14- قطعة فحم وجدار نظيف ماذا سترسمى عليه،وماذا ستكتبى تحت الصورة؟
15-شخص وعدك بشي مهم جدا ثم اخلف ماذا تقولى له ؟
16- كلمة اخيرة بعد أن أصابك الملل؟

ironman كتب:: 1- تخيلى انكى لستى انتى فمن تريدى ان تكونى؟
بصراحه محبش اكون حد تانى غيرى
2- باقة ورد لمن تهديها؟
لماما بمناسبة عيد الام
3- باقة شوك لمن تهديها؟
لواحد قريبنا ربنا يسامحه بقى
4- أسوأ خبر سمعتيه؟
خبر دخولى كلية التربيه
5- شخص لا ترفضى له طلبا؟
ماما واحيانا بابا وامل صاحبتى
6- من يطربك ؟
شيرين ووائل جسار
7- ما هي التجربة التي تتمنى تكرارها؟
دخولى الثانويه العامة تانى وادخل كلية طب بيطرى
8- من هو توأم روحك؟
اخويه
9- ماهو أكثر شيء تخشيه؟
الغيب
10- ما الشيء الذي يشعرك بأكبرقدر من الإحراج؟
اسئلتك دى يا احمد بصراحه ههههه ، بجد اكتر حاجه بتحرجنى لما اتهم حد بحاجه والحد ده بحبه
واكتشف انى كنت غلطانه بحس انى محرجه جدا ومش عارفه اقول ايه
12- حمام زاجل استقر على نافذتك يحمل رسالة من مجهول ممن تتمنى أن تكون؟
من واحد كده فى بالى او من خالى
13- جريمة تتمنى أرتكابها؟
تفجير اكبر فندق اسرائيلى فى فلسطين
14- قطعة فحم وجدار نظيف ماذا سترسمى عليه،وماذا ستكتبى تحت الصورة؟
حرسم شجر فى جنينة جميلة اوى وعصافير على الشجر وفلاح قاعد بزمارته بيعزف الحان حلوة اوى
وحكتب تحت الصورة " سبحان الله "
15-شخص وعدك بشي مهم جدا ثم اخلف ماذا تقولى له ؟
حقوله ربنا يسامحك بجد وحسبى الله ونعم الوكيل
16- كلمة اخيرة بعد أن أصابك الملل؟

اصابنى الملل من ايه بس ، بالعكس الاسئلةكانت حلوة هو اى نعم بعضها كان محرج بس استمتعت واللهى
وخلتنى اخد بالى من حاجات بجد كانت غايبة عندى ، عقبال ما تعمل كده فالى بعدى وبعدين

الحمد لله انهارده الجمعه والاسبوع عدى على خير من غير اى اصابات

انا برشح سلمان الفارسى للكرسى الاسبوع الجاى

انا كنت رشحت himo بس للأسف موضوع النت بتاعه دة لسا مخلصشى
عشان كدة برشح سلمان الفارسى

بما ان انا طول الاسبوع ما نطقتش معاكى ممكن اسألك سؤال صغنن

السؤال :: قوللنا انطباعك عن يونس وناصر وهيمو بعد ما شفتيهم وياترى فيه حد انتى كنتى متخيلاه حاجه ولقتيه حاجه تانيه ولا عادى ماحستيش ان فى اختلاف Question

اكيد طبعا ما حستش باى فرق زى ما انا قلت حصل بالظبط وهى شاهدة ولا كارنيهات ولا بتاع

بسم الله الرحمن الرحيم

الدفعة قبل الاخير

1-لو صاحبتك قالتلك انها معجبة بالboyfriend بتاعك هتغيرى منها ولا هتقليلها اتفضلى ؟

2- اكتر حاجة بضايقك من صحابك ؟

3- عايزة تعورى مين هنا فى المنتدى غير بتنان ؟

4- عضو تحسى انه مغرور ؟

5- عضو كئيب ؟

6- عضو غبى ؟

7- عضو طيب ؟

8 - عضو زكى جدا ؟

بصى انا مش محضر دلوقتى بليل ابقى انزل ادينى قلت قبل ما افاجئك

1ما موسى بالعبرى ؟

2_ ما اسم ابوا و ام موسى ؟

_ 3علامات الله لموسى للخروج بنى اسرائيل؟

4- امتى حسيتى برخامة فى المنتدى ؟

5- امتى فكرتى تموتى نفسك ؟

6- بتروحى تصيفى فين غير بلدكوا؟

7- مين اكتر واحد فى عيلتك بيفرض سيطرته عليكى ؟

comeback كتب:: بما ان انا طول الاسبوع ما نطقتش معاكى ممكن اسألك سؤال صغنن

السؤال :: قوللنا انطباعك عن يونس وناصر وهيمو بعد ما شفتيهم وياترى فيه حد انتى كنتى متخيلاه حاجه ولقتيه حاجه تانيه ولا عادى ماحستيش ان فى اختلاف

بصراحة كنت متخيلاهم كده ماعدا ناصر بحسبه بيتكلم كتير بس طلع مش كده ههههههههه لوك لوك لوك لوك
على المنتدى وفى الحقيقة لالالالالالالا هاااااااااادى بس بصراحه انطباعى عنهم هما بجد ناس محترمين جدا
وكلهم اخواتى وبعدين ناصر عنده حق فى الكارنيهات دى دخلتو بكل سهوله بصراحه ههههههه
ابقو كرروها بس ... ربنا يوفقكم يا رب

ironman كتب:: بسم الله الرحمن الرحيم

الدفعة قبل الاخير

1-لو صاحبتك قالتلك انها معجبة بالboyfriend بتاعك هتغيرى منها ولا هتقليلها اتفضلى ؟
حقولها اتفضلى وفى الاخر بقى هو الى حيختار ... وبعدين اصلا هى الصاحبة الى تعمل كده حفضل
مصاحباها ليه

2- اكتر حاجة بضايقك من صحابك ؟
انهم يتكلمو عليه من ورايا

3- عايزة تعورى مين هنا فى المنتدى غير بتنان ؟
لا خالص مفيش

4- عضو تحسى انه مغرور ؟
بصراحه انا مقدرش اقول مغرور بس يمكن ثقة زايده شويه متهيقلى محمد عبد القوى

5- عضو كئيب ؟
مفيش بصراحه

6- عضو غبى ؟
ههههههههه معرفش يا ناصر واللهى انا متعاملتش مع كل الاعضاء

7- عضو طيب ؟
يونس

8 - عضو زكى جدا ؟
سلمان ... بحسه بيفهمها وهى طايرة هو ومحمد عبد القوى على ما اعتقد يعنى

بصى انا مش محضر دلوقتى بليل ابقى انزل ادينى قلت قبل ما افاجئك

الكوتش كتب:: 1ما موسى بالعبرى ؟
موسى بالعبرى معناه : المنتشل من الماء
وهو مكون من جزئين (مو+ سيس )
مو= الماء
سيس= اضافة الى الاسم تعنى عائلة الرعامسيس (مثل رمسيس )

2_ ما اسم ابوا و ام موسى ؟
ابوه : عمران (فى الثقافة الاسلاميه ) او : عمرام
امه: يوكابد

_ 3علامات الله لموسى للخروج بنى اسرائيل؟
علامات الخروج هى الضربات التسع

وكانت اغلبها موجهة لالهة المصريين مثل: النيل والابقار والشمس وغيرها من الالهه التى كان يقدسها
ويعبدها المصريون فى ذلك الوقت
( وطبعا يا كوتش انا جاوبت بالاستعانة بجوجل )

4- امتى حسيتى برخامة فى المنتدى ؟
يمكن اول دخولنا الكليه مكانش حد بينزل مواضيع خالص ولا بيردو حتى بس دلوقتى اوك حلو

5- امتى فكرتى تموتى نفسك ؟
ولا مرة بصراحه

6- بتروحى تصيفى فين غير بلدكوا؟
انا اصلا مبصيفش فى بلدنا بروح اسكندريه ورحت قبل كده جمصه وان شاء الله الصيف ده حطير على الغردقه

7- مين اكتر واحد فى عيلتك بيفرض سيطرته عليكى ؟

ماما طبعا

هى بلدهم اصلا يصيف فيها

1- مين اكتر عضو عجبتك صورته الشخصية ؟

2- ايه رايك فى صورتى الجديدة ؟

3- مين احسن توقيع فى المديرين ؟

4- كلمة تقوليها لمجاهد اللى هيتشال من الادارة قريب اوى وعلى ايدى ؟

ironman كتب:: هى بلدهم اصلا يصيف فيها
اه اصل بلدكم هى الى بيتصيف فيها نسيت صح ههههههههه

1- مين اكتر عضو عجبتك صورته الشخصية ؟

الكوتش وكم باك الحاليه
2- ايه رايك فى صورتى الجديدة ؟
بصراحه مش حلوة يا احمد من غير زعل يعنى

3- مين احسن توقيع فى المديرين ؟
مجاهد وانت ويونس ولو فى الاعضاء يبقى الكوتش

4- كلمة تقوليها لمجاهد اللى هيتشال من الادارة قريب اوى وعلى ايدى ؟

انت اصلا متقدرش تشيله يا كابتن كلنا وراه باذن الله وبنسانده ، اقوله ربنا يوفقك يا ابو حميد واقوله انت بجد
غلاوتك من غلاوة احمد اخويه بجد وكلكم واللهى اخواتى فعلا

وفات الميعاد يا شباب وقمت من على الكرسى الحلو ده وبرشح سلمااااااااااااان اوك

اهلا اهلا اهلا الباشا سلمان على الكرسى يا مرحبا يا مرحبا بجد مش عارف اقول ايه بس على كل حال حتظبط يا معلم ويارب تقدر عليها(الاسئلة طبعا)

ارجوك تعذرنى مش قادره اعبرلك عن سعادتى بوجودك على الكرسى انا مستنيه اليوم ده من زمان بس الحمد لله جه اهو

يلا نسمى بأه : ده سؤال على الماشى قبل ما انزل ولما ارجع باليل ابقى امخمخلك ......اوك

ايه هو اسمك الحقيقى وايه الاسم اللى اصحابك بيندهوك بيه وكان نفسك اسمك يبقى كده ولا كنت عايز يبقى اسمك حاجه تانيه

مؤقتا

» بعد الامتحانات
» مغلق للتحسينات !!!