حط سؤالك وللى بعدك يجاوب عليه

والله مش عارف بس طبعا اول حاجة هاعملها استغفر ربى عن كل ذنوبى ويارب يغفرلى

س / لو حد سألك بتحب بلدك هتقول ايه ؟

اكيد الاجابه حتكون نعم بلاش احسن نروح مع.......فاهمين طبعا

سؤالى ايه رايك فى البلد هل فى حل فى اللى احنا فيه ده ولا ايه؟؟

اكيد طبعا كل مشكلة وليها حل بس المشكلة هتتحل امتى الله اعلم

تتوقع ايه لبلدك فى المستقبل ؟

كل خير بأذن الله و ربنا يستر

سؤالى مين اكتر شخص انتا بتحب تقول له (انا ظالمك) و مين اكتر شخص تفكر تقول له (بحبك) و مين الشخص اللى تخجل من ان تقول له ( بكرهك)؟؟؟؟؟

أناظالمك :اقولها لكل حد شفته وما استريحتلوش كده لله فى لله من غير ما اتعامل معاه مع انه ممكن يكون حدكويس
بحبك : متهيألى بقولها كتير لكل اللى بحبهم
بكرهه: حد قريبى عمل معايا موقف وبجد بقيت بكرهه انا سمحته قدام ربنا بس فى الدنيا مش عارفه وبخجل اقوله عشان هو فى سن ابويا(ومرسيه على السؤال حسيت انى فى عياده دكتور نفسانى)

س/للاعضاء:لوكنت بنت تحب اسمك يكون ايه؟
للعضوات:لو كنتى ولد تحبى اسمك يكون ايه؟

اولا انا مش بنت و عجبنى اسمى كولد و عمرى ما فكرت او حتى حفكر فى حاجه زى كده(لعن الله المتشبهين من الرجال بالنساء والمتشبهات من النساء بالرجال)

سؤالى ليه كل واحد فينا (كمجتمع)بياخد الامور بسطحيه اكتر من الازم يعنى مفيش اى جديه فى الموضوعات العامه؟؟؟؟؟

ايه الاجابه دى انا اتصدمت انت فلسفت الموضوع زياده عن الازم انا بقول لو كنت مولود بنت تحب يكون اسمك ايه مش بقولك لما تبقى بنت ولا بقولك غير اسمك باسم بنت!!!يعنى السؤال معناه ايه الاسم فى البنات اللى انت بتحبه والعكس للبنات ايه الاسم فى الولاد اللى انت بتحبيه ؟؟كده السؤال اتفهم صح

ج : مش كل الناس لكن النسبه الكبيره منهم واعتقد ان المجتمع المصرى بالذات عنده مقوله انت تعمل اللى تعمله وتقول اللى تقوله ومفيش حاجه هتتغير ويمكن الضغط اللى عايشين فيه بيخليهم يسطحوا الموضيع عشان ما يتعرضوش لمشكلاتها مش عارفه اعتقد ان ده سؤال محتاج يطرح للمناقشه
تقبل مرورى...

طبعا انتى تنورى فى اى وقت و شكرا على توضيحك الفكره من سؤاليك و جوابه الاسم اللى بحبه اوى همه 3 مش واحد ( سها - يارا - اسماء )

سؤالى ايه اللى انتا بتحب تقوله لحببتك/او حبيبك يوم عيد الحب؟؟؟

انا لك علطول خليك لى خد عين منى وطل على وخد الاتنين واسال فى من اول يوم راح منى النوم
ابعتلى سلام قول اى كلام من قلبك او من ورا قلبك مش يبقى حرام اسهر وتنام وتفتنى أأسى نار حبك

سؤالى للى بعد نفس سؤال احمد

ج : انا لسه هتكلم هجبلوا عبد الحليم يغنيلوا زى ما ابراهيم عمل بالضبط Very Happy

س : هو عيد الحب ده يوم ايه اصلا؟؟؟ scratch

والله معرف يمكن احمد مجاهد يعرف هبقى اساله
سؤالى الى عارف عيد الحب امته يعمل فيا انا وcomebakeجميل ويقولنا امته
بس على فكرة غلط اننا نقول عيد الحب المفرود يوم الحب لان العيد عيدين عيد الفطر وعيد الاضحى

بارك الله فيك اخى هيما على الملحوظه بس تقربا مصر عندها 2يوم حب فانتا بتقصد انهى ؟؟؟

سؤالى للبعدى انتا او انتى ممكن تتخيلى حياتك او حياتك الزوجيه تكون مشيه ازاى؟؟؟؟؟

اولا قول التاريخين وخلاص يعنى كل الكلام ده وماعرفناش يوم الحب ده يوم ايه..

ج : والحمد لله انا اتربيت فى حياه هاديه ومستقره ومؤمنه بالله بجد حياه جميله فهحاول ان شاء الله ان حياتى تكون كده

س :لو انت اتعشيت مره وعايز تآكل تانى الساعه 4 الفجر اكل بيتهضم بسرعه هتاكل ايه؟؟؟؟؟

زبادى و لو مفيش سندويش جبنه كده على الخفيف ولو اتنقت خالص كبايه شاى مع رغيف عيش ناشف

ايه هوه شعورك/شعوريك الان؟؟؟؟؟؟

جعانه وقايمه آكل

س/بما انى جعانه مافييش دماخ افكر فمشيها نفس السؤال اللى فات Question

والله شعورى الان فرحان عشان فحت واحد صحبنا شويه اسئله انتوا متعرفهوش lol!

مالحق نسيت اسأل من كتر الاسئله الى كتبتها فى الموضوع الى بالى بالك هههههه
هلتقط سؤال من هناك كدة
سؤالى لو انت او انتى نزلت من الاتوبيس وقبلتك واحدة او قبليك واحد وقالك انا بحبك وعابزاك تتأدملى او عايز اتقدملك هتعمل /ى ايه يا شوطار geek

والله العمل عمل ربنا يعنى لو انا معرفهاش ولا اعرف ايه اصلاها ولا فصلها اكيد حرفض طبعا اما لو عند عارف عنها كل خير فمحتمل ان الموضوع يكون فيه تفكير

سؤالى ايه رايك فى الزمالك؟؟؟

والله انا عن نفسى رأيى فى الزمالك انه مكانه مش هنا فى مصر هو يروح الدورى النجليزى , الاسبانى ... اى حاجة من الحاجات العريقة دى مش الدورى المصرى ياعم ( فاهمنى طبعا )

س : ايه رأيك فى الاهلى ؟؟؟؟

والله الاهلى حديد ومحدش قادر يشيله من مكانه

سؤاللى ايه رايك فى اوباما الرئيس الامريكى الجديد؟؟؟

والله انا باعتقد انه رئيس كويس بس ممكن يتغير ويتعدى من المساعدين بتوعه

س :- تعتقد مين اللى هيمسك الحكم بعد الله يرحمه ان شاء الله ويهديه ؟

اجابه السؤال ده اتسربت من زمان ..ابن الله يرحمه و يهديه طبعا غصبنعنك مش بمزاجك Wink

س : بتابع /ى اى رياضة غير كرة القدم طبعا ؟ولو مش بتابع ليه ؟

طبعا باتابع السباحة لانى باحب اللعبة دى جداااااا

س / ايه احسن قناة دينية بالنسبة لك ؟

قناة المجد
سؤالى ما مدى علاقتك بوالديك

علاقة كويسة جداااااا

س / هل تعتقد انك راضى ربك ؟

» قول نص كلمة ....... واللى بعدك يكملها
» ( شىء من وصف الرسول ( صلى الله عليه وسلم )
» حوار مع الشيطان عليه اللعنه
» احاديث الرسول (صلى الله عليه وسلم)
» كـــرت العائلة (( للرسول محمد عليه الصلاة والسلام )).